ধেমাজিৰ এখন বজাৰত এটা প্ৰকাণ্ড মাছ বিক্ৰীৰ বাবে আনিছে এজন ব্যৱসায়ীয়ে। প্ৰায় ৩২ কিলোগ্ৰাম ওজনৰ মাছটো এটা গৰুৱা মাছ। বৰ্তমান এই বৃহৎ আকাৰৰ মাছটোক লৈ বজাৰত গ্ৰাহকৰ লগতে ভিন্নজনৰ উৎসুকতা দেখিবলৈ পোৱা গৈছে। একাংশই বজাৰত মাছটো চাবলৈ ভিৰ কৰিছে। শিং থকা এই গাৰুৱা মাছটো ব্ৰহ্মপুত্ৰৰ বুকুৰ পৰা মাছমৰীয়াৰ জালত পৰে। ধেমাজিৰ এজন ব্যৱসায়ীয়ে মাছটো বজাৰত বিক্ৰীৰ বাবে আনিছে। ধেমাজি সদৰৰ নলনিপাম দৈনিক বজাৰত এজন ব্যবসায়ীয়ে বিক্ৰীৰ বাবে এই বৃহৎ আকাৰৰ গৰুৱা মাছটো আনিছে। পিছে মাছৰ বজাৰত মাছ ক্ৰয় নকৰিলেও কিন্তু এনে এটা প্ৰকাণ্ড আকাৰৰ মাছ প্ৰত্যক্ষ কৰিবলৈ ইজনৰ পিছত সিজন লোক সেই ঠাইলৈ অহা বুলি ব্যৱসায়ীজনে জানিবলৈ দিয়ে।
