২০ বছৰ আগতে স্বামীয়ে দেখা এটা সপোনে কোটিপতি কৰিলে এগৰাকী মহিলাক! জিকিলে ৩৪০ কোটি টকাৰ জেকপট

প্ৰায়ে এইটো শুনিবলৈ পোৱা যায় যে ভাগ্য সলনি হ’বলৈ বেছি সময় নালাগে। কিন্তু খুব কম মানুহৰ ক্ষেত্ৰতহে এইটো সঁচা হোৱা দেখিবলৈ পোৱা যায়। এগৰাকী মহিলাৰ ক্ষেত্ৰত এনে এক অসম্ভৱ ঘটনাই সম্ভৱ হৈছে। এই মহিলাগৰাকী নিশাটোৰ ভিতৰতে কোটিপটি হৈ পৰিল। টৰণ্টৰ ডেংগ প্ৰাবটুডমে যোৱা ২০বছৰৰ পৰা এটা নম্বৰৰ লটাৰীয়ে খেলি আছিল আৰু এতিয়া গৈ তেওঁৰ জেকপট লাগিছে। এই মহিলাগৰাকীয়ে ৩৪০কোটি টকাৰ লট্ট’ মেক্স জেকপট জয় কৰিছে।

৫৭বছৰীয়া মহিলাগৰাকীৰ মতে ২০ বছৰ পূৰ্বে তেওঁৰ স্বামীয়ে লটাৰী নম্বৰ সপোন পাইছিল। সেই নম্বৰটোৰে তেওঁ ২০ বছৰ ধৰি লটাৰী ক্ৰয় কৰি আছিল আৰু এতিয়া জেকপট জিকিছে। ডেংগ প্ৰাবটুডমে ১৯৮০ চনত নিজৰ ১৪ ভাই ভগ্নীৰ সৈতে কানাডাৰ পৰা লাঅ’ছত আহি বসতি কৰিছিল। তেওঁৰ স্বামীয়ে ৪০বছৰে দৈনিক কেইবাঘণ্টা হাজিৰা কৰি পৰিয়ালক পোহ–পাল দিয়াৰ কথা তেওঁ সোঁৱৰে।

৩৪০ কোটি টকাৰ লটাৰী জয় কৰি ডেংগৰ পৰিয়াল এতিয়া সপ্তম স্বৰ্গত। তেওঁ আৰু স্বামীয়ে এটা নতুন ঘৰ ক্ৰয় কৰাৰ প্লেন কৰি আছে। কিছু টকাৰে পূৰ্বৰ ঋণ শোধ কৰিব আৰু সন্তানক চাব। টকাৰে কোৰোণাৰ পিছত পৃথিৱী ঘুৰাৰ পৰিকল্পনাও আছে ডেংগৰ।

উল্লেখ্য যে, শেহতীয়াকৈ কেৰালাৰ কোল্লাম জিলাৰ এজন ব্যক্তিয়ে লটাৰীত ১২ কোটি টকা জয় কৰিছিল। ৪৬বছৰীয়া এই ব্যক্তিজনে ২০১৩ চনত গালফ দেশৰ কৰ্মস্থলীৰ পৰা উভতি আহি লটাৰীৰ টিকট বেচাৰ কাম কৰিছিল।