হৃদয়স্পৰ্শী! Covid-19 ৰ ক’মাত থাকোতে জন্ম দিছিল কন্যাক, তিনি মাহৰ পিছত চেতনা ঘুৰাই পোৱা মাকে যেতিয়া কোলাত ল’লে সন্তান...চাওক VIDEO

জন্মৰ প্ৰায় তিনি মাহৰ পিছতহে নিজৰ কলিজাৰ এফাল মৰমৰ কন্যাক কোলাত তুলি মৰম কৰিবলৈ পালে এগৰাকী মাতৃয়ে। আমেৰিকা যুক্তৰাষ্ট্ৰৰ কেলছি টাউনছেণ্ডে প্ৰায় তিনিমাহ পূৰ্বে জন্ম দিছিল নিজৰ চতুৰ্থটো সন্তান। ৩২বছৰীয় কেলছি সেই সময়ত ক’ভিড ১৯ত আক্ৰান্ত হৈ ক’মাত।

চেতনা ঘুৰাই পোৱাৰ পিছত উজ্বল দুচকুৰে কণমানি লুছিক কোলাত তুলি লৈ সজল হৈ পৰিছে মাতৃ কেলছিৰ দুচকু।

“শুনিছা মই তোমাক ভালপাও, বহুত ভালপাও। মই তোমাক মিছ কৰিছিলো।’ কণমানি লুছিৰ কাণত বিৰবিৰাই ক’লে কেলছিয়ে।

ক’মাত থকা টাউনছেণ্ডৰ চিজাৰিয়ানৰ অপাৰেশ্যন সম্পন্ন হৈছিল যোৱা ৪ নৱেম্বৰত। মেডিচনৰ এছএছএম হেলছ ছেইণ্ট মেৰী হাস্পতালত কোৰোণাত আক্ৰান্ত হৈ ভৰ্তি কৰোৱাৰ পিছতে ক’মালৈ গুচি গৈছিল কেলছি। অতিশয় গুৰুতৰ অৱস্থাত প্ৰায় ৭৫দিন জীৱনদায়িনী তথা হাওফাওৰ ছাপ’ৰ্চ যন্ত্ৰৰ সহায়ত জীয়াই ৰখা হ’ল কেলছিক। অৱশেষত সৌভাগ্যক্ৰমে কেলছিৰ অৱস্থা ভাললৈ আহে আৰু চেতনা ঘুৰাই পোৱাৰ পিছত যোৱা ২৭জানুৱাৰীত নিজৰ কন্যা লুছিক কোলাত তুলি ল’বলৈ সক্ষম হয় কেলছিয়ে। সুস্থ হৈ ঘৰলৈ উভতাৰ দিনাহে নিজৰ সন্তানক দেখা পায় কেলছিয়ে।

“আমাৰ প্ৰথম দেখাদেখি হোৱাৰ লগে লগে বান্ধোন অনুভৱ কৰো। মোলৈ চাই তাই ডাঙৰকৈ হাঁহি এটা মাৰে, তাই যেন মই কোন চিনি পাইছিল আৰু এই কথাটোৱে মোক অতি সুখী কৰি তোলে।” কেলছিয়ে কয়।

চিকিৎসকৰ মতে কেলছিয়ে গুৰুতৰ অৱস্থাৰ পৰা ঘূৰি অহাটো এক বিৰল ঘটনা। আনহাতে কেলছিৰ স্বামী ডেৰেক টাউনছেণ্ডে কয়, “লুছিক মই কোলাত তুলি লওতে তাই ইফালে সিফালে মূৰ ঘুৰাই চাই থাকে, যেন কাৰোবাৰ অপেক্ষা অনবৰতে কৰি আছিল। কেলছিক মই কৈছিলো তাই যেন অনবৰতে মাকক বিচাৰি আছিলে।”

“পৰিয়াল মোৰ কাৰণে সকলো আৰু মই ইয়াতে জীৱন কটাব বিচাৰো। মোৰ আৰু বেলেগ একো আশা নাই।”

সঁচাকৈ জীৱন জীৱন অতি অনুপম!