কৃষকক সমৰ্থন জনোৱা পপ ছিংগাৰ ৰিহানাক মূৰ্খ আৰু কৃষক সমাজক সন্ত্ৰাসবাদী আখ্যা কংগনা ৰাণাৱটৰ, ৰিহানাৰ লগতে গ্ৰেটা থুনবাৰ্গৰো সমৰ্থন কৃষক প্ৰতিবাদলৈ

News18 Assam | News18-Assam
Updated:February 3, 2021, 1:10 PM IST
কৃষকক সমৰ্থন জনোৱা পপ ছিংগাৰ ৰিহানাক মূৰ্খ আৰু কৃষক সমাজক সন্ত্ৰাসবাদী আখ্যা কংগনা ৰাণাৱটৰ, ৰিহানাৰ লগতে গ্ৰেটা থুনবাৰ্গৰো সমৰ্থন কৃষক প্ৰতিবাদলৈ
ভাৰতৰ কৃষক প্ৰতিবাদক লৈ আন্তঃৰাষ্ট্ৰীয় পপ ছিংগাৰ ৰিহানাৰ সমৰ্থন থকা টুইটৰ পিছতে প্ৰতিক্ৰিয়া অভিনেত্ৰীগৰাকীৰ।

ভাৰতৰ কৃষক প্ৰতিবাদক লৈ আন্তঃৰাষ্ট্ৰীয় পপ ছিংগাৰ ৰিহানাৰ সমৰ্থন থকা টুইটৰ পিছতে প্ৰতিক্ৰিয়া অভিনেত্ৰীগৰাকীৰ।

  • Share this:
মুম্বাইঃ কৃষক আন্দোলনে (Farmers Protest) ২মাহৰ অধিক সময় পাৰ কৰিলে। বিতৰ্কিত কৃষি আইনক লৈ কৃষক আৰু কেন্দ্ৰ চৰকাৰৰ মাজত আলোচনাৰ নিষ্কৰ্ষ ওলোৱা নাই। কৃষকসকলে দিল্লী সীমান্তত নাচোৰান্দা হৈ থকাৰ সময়তে যোৱা ২৬ জানুৱাৰীত লালকিল্লাত সংঘটিত হিংসাত্মক ঘটনাৱলীয়ে সমগ্ৰ প্ৰতিবাদক অন্য দিশলৈ নিছিল। চৰকাৰ আৰু কৃষক দুই পক্ষ নিজৰ নিজৰ স্থিতিত অটল হৈ থকাৰ সময়ত বলিউডৰ চেলিব্ৰিটীসকলে (Bollywood Celebs) নিজৰ প্ৰতিক্ৰিয়া প্ৰকাশ কৰি আহিছে। সকলোতকৈ সৰৱ হৈছে অভিনেত্ৰী কংগনা ৰাণাৱট (Kangana Ranaut), কৃষক বিদ্ৰোহক সমৰ্থন জনোৱা চেলিব্ৰিটীসকলৰ ওপৰত বাৰুকৈ গৰজি আহিছে ৰাণাৱট। শেহতীয়াকৈ পপ ছিংগাৰ ৰিহানাই (Rihanna) কৃষকৰ সমৰ্থনত টুইট কৰাৰ পিছতে কংগনাই তেওঁকো ভালকৈ থুকুচে।

ৰিহানাই ভাৰতৰ কৃষক প্ৰতিবাদ সন্দৰ্ভত এটা বাতৰি শ্বেয়াৰ কৰি টুইট কৰিছিল যে এই সন্দৰ্ভত আমি কিয় কথা পতা নাই?

ৰিহানাৰ টুইট দেখিয়ে কংগনা ক্ষুব্ধ হৈ পৰে আৰু উত্তৰত ৰিটুইট কৰি লিখেঃএই সন্দৰ্ভত কোনেও কথা এইকাৰণে পতা নাই কাৰণে এইবোৰ কৃষক নহয় সন্ত্ৰাসবাদী হয়। ভাৰতক এওঁলোকে খণ্ড খণ্ড কৰিব খুজিছে। চীনৰ দৰে দেশে যাতে আমাৰ ভংগ্ন ৰাষ্ট্ৰখন দখল কৰিব পাৰে তাৰে উদ্দেশ্য এইবোৰ। যেনেকৈ আমেৰিকা যুক্তৰাষ্ট্ৰত চাইনীজ কল’নী হ’ল তেনেকুৱা কাৰবাৰ। তুমি শান্ত হৈ থাকা মূৰ্খ, আমি তোমাৰ দৰে মূৰ্খ নহয় যে নিজৰ দেশখন বেচি দিম।’

আনহাতে ৰিহানাৰ পিছত পৰিৱেশ কৰ্মী গ্ৰেটা থুনবাৰ্গেও চিএনএনৰ সেই বাতৰিটো শ্বেয়াৰ কৰি কৃষক প্ৰতিবাদলৈ সমৰ্থন জনাইছে।
First published: February 3, 2021, 1:05 PM IST
আৰু চাওক
পৰৱৰ্তী বাতৰি

শেহতীয়া বাতৰি