US ৰাষ্ট্ৰপতিৰ নিৰ্বাচন বিতৰ্কঃ চীনৰ সৈতে ভাৰতক একেশাৰীত ৰাখি শোচনীয় আখ্যা ডনাল্ড ট্ৰাম্পৰ

নতুন দিল্লীঃ কোৰোণা মহামাৰীৰ (Corona Epidemic) মাজত আমেৰিকাত(America) হ’বলগীয়া ৰাষ্ট্ৰপতি নিৰ্বাচনকলৈ (Presidential elections) প্ৰচাৰ জোৰদাৰ হৈ পৰিছে। প্ৰেচিডেনচিয়েল ডিবেটত আমেৰিকাৰ ৰাষ্ট্ৰপতি ডনাল্ড ট্ৰাম্প (President Donald Trump) আৰু জ’ বিডেনে (Joe Biden) ভোটাৰ্ছক লালায়িত কৰিবলৈ সকলো ধৰণৰ প্ৰয়াস অব্যাহত ৰাখিছে। ডনাল্ড ট্ৰাম্পে প্ৰেচিডেনচিয়েল ডিবেটত কয় যে আমাৰ ওচৰত কোৰোণা ভাইৰাছৰ এক ভেকচিন (Coronavirus vaccine) আহিবলগীয়া আছে। তেওঁ কয় যে মই যেতিয়া হাস্পতালত আছিলো তেতিয়া এইটো মোৰ ওচৰত আছিল। প্ৰেচিডেনচিয়েল ডিবেটত আমেৰিকাৰ ৰাষ্ট্ৰপতিজনে ভাৰতৰ বিষয়েও উল্লেখ কৰে। অৱশ্যে ভালকৈ নহয়!

ট্ৰাম্পে কয় যে, জলবায়ু পৰিৱৰ্তনৰ বিৰুদ্ধে যুঁজত ভাৰত, ৰাছিয়া আৰু চীনৰ ৰেকৰ্ড বেয়া। ইয়াৰ মাজতে ট্ৰাম্পে দাবী কৰে যে আমেৰিকাত সকলোতকৈ কম কাৰ্বন নিৰ্গত হয়। ডিবেটত ড’নাল্ড ট্ৰাম্প আৰু জ’ বিডেনৰ মাজত উত্তৰ কোৰিয়াক লৈ যথেষ্ট তীক্ষ্ণ বিতৰ্ক হোৱা দেখা যায়। ট্ৰাম্পে কয় যে, আমি উত্তৰ কোৰিয়াৰ সৈতে যুদ্ধসদৃশ পৰিস্থিতিত নাই। আমাৰ সৈতে তেওঁলোকৰ সম্পৰ্ক ভাল। এইক্ষেত্ৰত বিডেনে ওলোটাই আক্ৰমণ কৰি কয় যে, হিটলাৰে ইউৰোপ আক্ৰমণ কৰাৰ পূৰ্বেও তেওঁৰ সৈতে আমাৰ সম্বন্ধ ভাল আছিল।

ভেকচিনক লৈ দুয়ো আক্ৰমণাত্মক হয়

এই তৰ্কৰ মাজত ট্ৰাম্পে দাবী কৰে যে, আমেৰিকাৰ ওচৰত শীঘ্ৰেই কোৰোণাৰ ভেকচিন উপলব্ধ হ’ব। আনহাতে বিডেনে কয় যে ডনাল্ড ট্ৰাম্পৰ ওচৰত কোভিড–১৯ৰ সৈতে যুঁজাৰ কোনো পৰিকল্পনা নাই। বিডেনে কয় যে কোভিড–১৯ৰ সৈতে যুঁজত মৃত্যু হোৱা ব্যক্তিৰ কাৰণে দায়ী ব্যক্তি ৰাষ্ট্ৰপতি হৈ থাকিব নালাগে। তেওঁ কয় যে, তেওঁ নিশ্চিত কৰিব যে, সকলোৱে যাতে মাস্ক পিন্ধে আৰু ৰেপিড টেষ্টিং কৰায়। আনহাতে ট্ৰাম্পে ইয়াৰ উত্তৰত কয় যে, এইটো মোৰো ভুল নহয়, বিডেনৰো ভুল নহয়, সকলো দোষ চীনৰ।

উল্লেখ্য যে, মুঠ ৬টা বিষয়ত দুয়োকে দুই দুই মিনিট সময় ক’বলৈ দিয়া হয়। ইয়াত ট্ৰাম্প–বিডেনৰ লগতে কেৱল ২০০জন লোকৰহে উপস্থিতিৰ অনুমতি আছিল।