Corona Virus : ‘ঋতুগত ৰোগত পৰিণত হ’ব পাৰে কোৰোণা ভাইৰাছ, বহু বছৰলৈ থাকিব পাৰে ইয়াৰ ভয়াৱহতা’

News18 Assam | News18-Assam
Updated:March 22, 2021, 4:04 PM IST
Corona Virus : ‘ঋতুগত ৰোগত পৰিণত হ’ব পাৰে কোৰোণা ভাইৰাছ, বহু বছৰলৈ থাকিব পাৰে ইয়াৰ ভয়াৱহতা’
সংযুক্ত ৰাষ্ট্ৰৰ বিশ্ব বতৰ বিজ্ঞান সংগঠনৰ দ্বাৰা গঠন কৰা ১৬ জনীয়া দলটোৱে কৈছিল যে শ্বাসতন্ত্ৰৰ সংক্ৰমণ প্ৰায়ে ঋতুগত হয়। কোৰোণা ভাইৰাছে বতৰ আৰু উষ্ণতা অনুসৰি ইয়াৰ প্ৰভাৱ দেখুৱাব।

সংযুক্ত ৰাষ্ট্ৰৰ বিশ্ব বতৰ বিজ্ঞান সংগঠনৰ দ্বাৰা গঠন কৰা ১৬ জনীয়া দলটোৱে কৈছিল যে শ্বাসতন্ত্ৰৰ সংক্ৰমণ প্ৰায়ে ঋতুগত হয়। কোৰোণা ভাইৰাছে বতৰ আৰু উষ্ণতা অনুসৰি ইয়াৰ প্ৰভাৱ দেখুৱাব।

  • Share this:
কোৰোণা ভাইৰাছ (Corona Virus)ৰ ফলত সমগ্ৰ বিশ্বতে লকডাউন (Lockdown) ঘোষণা কৰাৰ প্ৰায় এবছৰ পিছত এই ভাইৰাছৰ নতুন ঢৌ এটা দেখিবলৈ পোৱা গৈছে। কেৱল ভাৰততেই নহয়, বিশ্বৰ বেছিভাগ দেশে আকৌ এবাৰ কোৰোণা ভাইৰাছৰ দ্বিতীয় ঢৌ দেখিবলৈ পাইছে। প্ৰতিখন দেশৰ প্ৰচেষ্টা হৈছে কেনেকৈ বৰ্ধিত কোৰোণাৰ গ্ৰাফ প্ৰতিহত কৰিব পৰা যায়। কোৰোণাৰ আশংকাৰ মাজত, সংযুক্ত ৰাষ্ট্ৰই কৈছে যে কোৰোণা ভাইৰাছ সোনকালে এক ঋতুগত ৰোগত পৰিণত হ'ব পাৰে। চীন (China)ত প্ৰথম কোৰোণাৰ ঘটনা পোৱাৰ এবছৰ পিছতো, বিজ্ঞানীসকলে ৰোগবিধৰ ৰহস্য সমাধান কৰিবলৈ সক্ষম হোৱা নাই। বিশ্বব্যাপী প্ৰায় ২.৭ নিযুত লোক কোৰোণা ভাইৰাছ সংক্ৰমণৰ ফলত নিহত হৈছে।

কোৰোণা ভাইৰাছৰ বিষয়ে অধ্যয়ন কৰা এটা বিশেষজ্ঞৰ দলে Covid-19ৰ প্ৰসাৰৰ বিষয়ে তথ্য আহৰণ কৰিবলৈ জলবায়ু বিজ্ঞান আৰু বায়ুৰ মানদণ্ড অধ্যয়ন কৰিছিল আৰু সেইবোৰৰ প্ৰভাৱৰ বিষয়ে তথ্য সংগ্ৰহ কৰিবলৈ চেষ্টা কৰিছিল। অধ্যয়নত, বিজ্ঞানীসকলে দেখিছিল যে কোৰোণা ভাইৰাছ এতিয়া পৰৱৰ্তী কেইবা বছৰ ধৰি ঋতুগত ৰোগৰ দৰে এনেদৰে প্ৰভাৱিত হৈ থাকিব।

সংযুক্ত ৰাষ্ট্ৰৰ বিশ্ব বতৰ বিজ্ঞান সংগঠনৰ দ্বাৰা গঠন কৰা ১৬ জনীয়া দলটোৱে কৈছিল যে শ্বাসতন্ত্ৰৰ সংক্ৰমণ প্ৰায়ে ঋতুগত হয়। কোৰোণা ভাইৰাছে বতৰ আৰু উষ্ণতা অনুসৰি ইয়াৰ প্ৰভাৱ দেখুৱাব। বিজ্ঞানীৰ দলটোৱে কৈছিল যে এতিয়ালৈকে, কোৰোণা ভাইৰাছ নিয়ন্ত্ৰণ কৰিবলৈ যি ধৰণৰ প্ৰচেষ্টা কৰা হৈছে সেইসমূহ ব্যৰ্থ হোৱা দেখা গৈছে। যদি এইটো বহু বছৰ ধৰি থাকে, কোভিড-১৯ এক শক্তিশালী ঋতুগত ৰোগ হৈ পৰিব।

বিশ্ব স্বাস্থ্য সংস্থা (WHO)ৰ মতে, বিশ্বৰ কোভিড-১৯ৰ ঘটনা বিগত সপ্তাহত ১০ শতাংশ বৃদ্ধি পাইছিল, য'ত আমেৰিকা আৰু ইউৰোপে আটাইতকৈ বেছি আছিল। বিশ্ব স্বাস্থ্য সংস্থাই বুধবাৰে কোৰোণা ভাইৰাছ বিশ্বব্যাপী মহামাৰী সম্পৰ্কে প্ৰকাশিত সাপ্তাহিক সংখ্যাত জনাইছিল যে জানুৱাৰীৰ আৰম্ভণিতে এই মহামাৰী শীৰ্ষত আছিল আৰু প্ৰতি সপ্তাহত প্ৰায় ৫০ লাখ সংক্ৰমণৰ ঘটনা পোৱা গৈছিল, কিন্তু ই ফেব্ৰুৱাৰীৰ মাজভাগত হ্ৰাস পাইছিল আৰু প্ৰায় ২৫ লাখত উপনীত হৈছিল। উল্লেখযোগ্য যে এই ভাইৰাছবিধৰ বিৰুদ্ধে ভেকচিন প্ৰস্তত কৰা হৈছে যদিও সম্পুৰ্ণকৈ নিৰ্মূল কৰিব পৰা হোৱা নাই।
Published by: Sanjay Kumar Das
First published: March 18, 2021, 11:22 AM IST
আৰু চাওক
পৰৱৰ্তী বাতৰি

শেহতীয়া বাতৰি