• Home
  • »
  • News
  • »
  • world
  • »
  • ছোমালিয়াৰ ৰাজধানী মোগাদিশুত দুটাকৈ বোমা বিস্ফোৰণ, ১০০ জন নিহত, ৩০০ ৰো অধিক আহত

ছোমালিয়াৰ ৰাজধানী মোগাদিশুত দুটাকৈ বোমা বিস্ফোৰণ, ১০০ জন নিহত, ৩০০ ৰো অধিক আহত

ছোমালিয়াৰ ৰাজধানী মোগাদিশুত দুটাকৈ বোমা বিস্ফোৰণ

ছোমালিয়াৰ ৰাজধানী মোগাদিশুত দুটাকৈ বোমা বিস্ফোৰণ

ছোমালিয়া চৰকাৰৰ বিৰুদ্ধে হিংসাত্মক, সশস্ত্ৰ যুদ্ধ চলাই থকা এই বোমা বিস্ফোৰণৰ আঁৰত সন্ত্ৰাসবাদী সংগঠন আল-ছাবাব বুলি জানিব পৰা গৈছে।

  • Share this:
ছোমালিয়াৰ কিছমায়ু চহৰত গাড়ী বোমা বিস্ফোৰণ আৰু গুলীচালনাত ৯ জন লোকৰ মৃত্যু হোৱাৰ কেইদিনমানৰ পাছত শনিবাৰে বিয়লি ৰাজধানী চহৰ মোগাদিশুত দুখন পৃথক গাড়ী বিস্ফোৰণ ঘটে। ছোমালিয়াৰ ৰাষ্ট্ৰপতি হাছান শ্বেখে স্থানীয় ছোমালি কেবল টিভিক জনোৱা মতে, এই বিস্ফোৰণত এতিয়ালৈকে মৃত্যু হোৱা লোকৰ সংখ্যা প্ৰায় ১০০ আৰু ৩০০ৰো অধিক লোক আহত হৈছে। আহতসকলৰ বহুতৰে অৱস্থা সংকটজনক হৈয়ে আছে।

স্থানীয় সংবাদ মাধ্যমৰ বাতৰি অনুসৰি ছোমালিয়াৰ শিক্ষা মন্ত্ৰালয়ৰ অট্টালিকাক লক্ষ্য কৰি দুটা বোমা গাড়ীত বিস্ফোৰণ ঘটিছিল। ৰয়টাৰে স্থানীয় এজন নাগৰিকৰ উদ্ধৃতিৰে কয় যে, “কে ৫ ষ্ট্ৰীটৰ কাষৰ শিক্ষা মন্ত্ৰালয়ৰ ভৱনত দুখন গাড়ী বোমা বিস্ফোৰণ ঘটিছে।” মন্ত্ৰালয়টোৰ ৰক্ষণাবেক্ষণৰ দায়িত্বত থকা হাছান নামৰ এজন আৰক্ষী বিষয়াই ৰয়টাৰক জনাইছে যে তেওঁ বিস্ফোৰণ ঘটাৰ কিছু সময়ৰ পিছতে কমেও ১২টা মৃতদেহ দেখা পাইছিল আৰু ২০ জনতকৈ অধিক লোক গুৰুতৰভাৱে আহত হৈছিল।


সামাজিক মাধ্যমত বোমা বিস্ফোৰণৰ দৃশ্য ভাইৰেল হৈছে আৰু বিস্ফোৰণৰ পিছত মোগাদিশু চহৰৰ ওপৰত কলীয়া ডাৱৰ ওপৰলৈ উঠি অহা দেখা গৈছে। আন আন ভিডিঅ’ত বিস্ফোৰণস্থলী আৰু আশে-পাশে থকা ঘৰৰ খিৰিকী ভাঙি যোৱা দেখা গৈছে। ছোমালিয়া চৰকাৰৰ বিৰুদ্ধে হিংসাত্মক, সশস্ত্ৰ যুদ্ধ চলাই থকা এই বোমা বিস্ফোৰণৰ আঁৰত সন্ত্ৰাসবাদী সংগঠন আল-ছাবাব বুলি জানিব পৰা গৈছে। যোৱা কেইটামান সপ্তাহত স্থানীয় আত্মৰক্ষা গোটৰ সৈতে যুঁজি আল-ছাবাবৰ বিৰুদ্ধে যুদ্ধক্ষেত্ৰত আগবাঢ়িছে বুলি ছোমালিয়া নিৰাপত্তা বাহিনীয়ে কয় যদিও সন্ত্ৰাসবাদী সংগঠনটোৱে মাৰাত্মক আক্ৰমণ অব্যাহত ৰাখিছে।

আৰক্ষীৰ মুখপাত্ৰ ছাদিক ডুদিছে ৰয়টাৰ্ছক জনোৱা মতে, "বিয়লি ২ বজাত আল-ছাবাব সন্ত্ৰাসবাদীয়ে শিশু, মহিলা আৰু বৃদ্ধকে ধৰি সাধাৰণ নাগৰিকক লক্ষ্য কৰি দুটা বিস্ফোৰণ সংঘটিত কৰে"। ইয়াৰ পূৰ্বে কিছমায়ুত সোমবাৰে ৯ জন লোক সন্ত্ৰাসবাদীৰ চিকাৰ হৈছিল আৰু নিৰাপত্তাৰক্ষীয়ে সন্ত্ৰাসবাদীবোৰক হত্যা কৰে। বন্দৰ চহৰৰ টাৱাকাল হোটেলৰ গেটত বিস্ফোৰক ভৰ্তি এখন বাহন খুন্দা মৰাৰ পিছতে গুলীচালনা কৰে। জুবলেণ্ডৰ নিৰাপত্তা মন্ত্ৰী ইউছুফ হুছেইন ধুমলে ৰয়টাৰ্ছক জনাইছে যে ছাত্ৰ-ছাত্ৰী আৰু সাধাৰণ নাগৰিককে ধৰি ৯ জন লোক নিহত হোৱাৰ লগতে ৪৭ জন আহত হৈছে, ইয়াৰে কিছুমানৰ অৱস্থা সংকটজনক।
Published by:Subham Goswami
First published:

শেহতীয়া বাতৰি