আজব অ'ফাৰ! ভেলেণ্টাইন দ্য়ে' উপলক্ষে অসুখী দম্পতিলৈ আগবঢ়োৱা হৈছে এই সুবিধা!

News18 Assam | News18-Assam
Updated:February 5, 2021, 7:10 PM IST
আজব অ'ফাৰ! ভেলেণ্টাইন দ্য়ে' উপলক্ষে অসুখী দম্পতিলৈ আগবঢ়োৱা হৈছে এই সুবিধা!
ভেলেণ্টাইন দ্য়ে' লৈ মাজত মাথো কেইটামান দিন। বহু প্ৰেমিক প্ৰেমিকা এই দিনটোৰ বাবে অধীৰ অপেক্ষাৰে ৰৈ থাকে।

ভেলেণ্টাইন দ্য়ে' লৈ মাজত মাথো কেইটামান দিন। বহু প্ৰেমিক প্ৰেমিকা এই দিনটোৰ বাবে অধীৰ অপেক্ষাৰে ৰৈ থাকে।

  • Share this:
ভেলেণ্টাইন দ্য়ে' লৈ মাজত মাথো কেইটামান দিন। বহু প্ৰেমিক প্ৰেমিকা এই দিনটোৰ বাবে অধীৰ অপেক্ষাৰে ৰৈ থাকে। প্ৰেমিক যুটিবোৰক আকৰ্ষিত কৰিবলৈ সমগ্ৰ বিশ্বৰ বিভিন্ন প্ৰতিষ্ঠানৰ লগতে দোকান পোহাৰসমূহত ব্যস্ততা বঢ়াও পৰিলক্ষিত হয়। ভেলেণ্টাইন দ্য়ে'ৰ প্ৰাকক্ষণত ব্যৱসায়ৰ এক প্ৰচাৰ হিচাপে টিনিজৰ ক্ৰছভিলেৰ দ্য পাৱাৰ্ছ  ল' ফাৰ্মে আগবঢ়াইছে আজব অ'ফাৰ।

তেওঁলোকে ভেলেণ্টাইন দ্যে'ত আয়োজন কৰা হৈছে বিশেষ প্ৰতিযোগিতা। সুখী নোহোৱা দম্পতিৰ মাজত অনুষ্ঠিত হ'ব এই প্ৰতিযোগিতা। আৰু প্ৰতিযোগিতাৰ বিজয়ীক কৰাব বিনামূলীয়াকৈ বিবাহ বিচ্ছেদ । এই ফাৰ্মখনে বিচ্ছেদ বিচৰা অসুখী দম্পতিক আদালতত আবেদনৰ মাচূলৰ লগতে বিনামূলীয়া আইনী সাহায্য আগবঢ়াব।

ফাৰ্মখনে ফেচবুকত পোষ্ট কৰা এই সন্দৰ্ভত জাননী জাৰি কৰিছে। “আমি সকলোৱে ক’ভিড-১৯ৰ বাবে এক দুৰ্বিসহ বছৰ পাৰ কৰিলো। এই সময়ত বহুতৰে আৰ্থিক অৱস্থা দুৰ্বল হৈ পৰিছে। সেয়েহে ভেলেণ্টাইন দ্য়ে'’ উপলক্ষে অনুষ্ঠিত হ’বলগীয়া এই প্ৰতিযোগিতাত বিজয়ীক আমি বিনামূলীয়াকৈ বিবাহ বিচ্ছেদ দিয়াৰ পৰিকল্পনা কৰিছো।'

এই সুবিধা লাভ কৰিবলৈ বিবাহ বিচ্ছেদ বিচৰা দম্পতিয়ে তেওঁলোকৰ সমগ্ৰ ঘটনাৰ বিৱৰণ দি বিচ্ছেদৰ কাৰণ দৰ্শাই এটা মেইল কৰিব লাগিব। ১৫ ফেব্ৰুৱাৰীলৈ এই আবেদন গ্ৰহণ কৰা হ’ব আৰু ১৯ ফেব্ৰুৱাৰীত ইয়াৰ বিজয়ী ঘোষণা কৰা হ’ব। দম্পতিটোৱে বিবাহ বিচ্ছেদ কৰিবলৈ সন্মত হ’ব লাগিব। ইয়াৰ উপৰিও তেওঁলোকৰ কোনো চাইল্ড কাষ্ট’ডিৰ সমস্যা থাকিব নালাগিব।

ফাৰ্মখনে এই বিষয়ে কয় যে “এই প্ৰতিযোগিতাত অংশগ্ৰহণ কৰিবলৈ কোনো মাচুলৰ প্ৰয়োজন নাই। প্ৰতিযোগীসকলে 'মিচেছ পাৱাৰ চাৰ্ভিচেছ'ৰ বাবে কোনো আদালত মাচুলো আদায় দিব নালাগে।

কিন্তু একমাত্ৰ আমেৰিকা যুক্তৰাষ্ট্ৰৰ বাসিন্দাসকলে এই প্ৰতিযোগিতাত অংশগ্ৰহণ কৰিব পাৰিব।

 
Published by: Himangshu Bhuyan
First published: February 5, 2021, 7:10 PM IST
আৰু চাওক
পৰৱৰ্তী বাতৰি

শেহতীয়া বাতৰি