உங்கள் மாவட்டத்தைத் தேர்வுசெய்க

    • Home
    • »
    • News
    • »
    • world
    • »
    • Airstrike on Taliban: তালি‍বানৰ ওপৰত আফগান সেনাৰ এয়াৰষ্ট্ৰাইক, মুহূৰ্ততে ছাৰখাৰ সন্ত্ৰাসবাদীৰ গোপন ঠিকনা, চাওক ভিডিঅ'

    Airstrike on Taliban: তালি‍বানৰ ওপৰত আফগান সেনাৰ এয়াৰষ্ট্ৰাইক, মুহূৰ্ততে ছাৰখাৰ সন্ত্ৰাসবাদীৰ গোপন ঠিকনা, চাওক ভিডিঅ'

    ৬ ছেকেণ্ডৰ ভিডিঅ'টো আফগান সেনাই মুকলি কৰিছে।

    ৬ ছেকেণ্ডৰ ভিডিঅ'টো আফগান সেনাই মুকলি কৰিছে।

    ৬ ছেকেণ্ডৰ ভিডিঅ'টো আফগান সেনাই মুকলি কৰিছে।

    • Share this:

    আফগানিস্তানত পৰিস্থিতি প্ৰতিদিনে বেয়ালৈ গতি কৰি আছে। আমেৰিকা যুক্তৰাষ্ট্ৰই সৈন্য প্ৰত্যাহাৰৰ মাজতে তালিবানে নিৰন্তৰ নিজৰ স্থিতি শক্তিশালী কৰি আছে। তালিবানে দাবী কৰা মতে, দেশখনৰ ৯০ শতাংশতকৈও অধিক সীমান্ত অঞ্চল দখল কৰিছে তালি‍বানে। কিন্তু আফগান সেনায়ো তুমুল যুদ্ধত চামিল হৈছে তালিবানৰ বিৰুদ্ধে।


    আফগানিস্তানৰ এক বিবৃতিত সম্প্ৰতি দাবী কৰা হৈছে যে তেওঁলোকে ২৫৪জন তাবলিবান উগ্ৰপন্থীক হত্যা কৰিছে। তালিবানক লক্ষ্য কৰি বিমান আক্ৰমণ কৰি থকা এটা ভিডিঅ'ও আফগান সেনাৰ ফালৰ পৰা মুকলি কৰা হৈছে। ৬ ছেকেণ্ডৰ ভিডিঅ'টো আফগান সেনাই মুকলি কৰিছে, য'ত তেওঁলোকে আক্ৰমণ কৰিছে তালিবানৰ গোপন ঠিকনাত। আফগানিস্তানে দাবী কৰিছে যে তালিবান সন্ত্ৰাসবাদীসকল ইয়াত লুকাই আছিল। আফগানিস্তানৰ দ্বাৰা মাত্ৰ কেইছেকেণ্ডৰ মুহূৰ্তত এয়াৰ ষ্ট্ৰাইক কৰা হয়। চকুৰ পলকতে ধোঁৱাৰ মাজত মিহলি হৈ যায় তালিবান সন্ত্ৰাসবাদী।





    আফগানিস্তান সেনাৰ মতে, এই আক্ৰমণত কেইবাজনো তালিবান সন্ত্ৰাসবাদী নিহত হয়। উল্লেখ্য, যোৱা ২৪ ঘণ্টাত গজনী, কান্দাহাৰ, হেৰাট, ফাৰাহ, জোজ্জন, বালখ, চামাংগন, হেলমান্দ, তাখাৰ, কুন্দুজ, বাগলান, কাবুল আৰু কাপিছা প্ৰদেশত অভিযান চলোৱাত ২৫৪জন তালিবান সন্ত্ৰাসবাদীক নিহত আৰু ৯৭জন আহত হৈছে।


    জানিব পৰা মতে, তালিবানে গ্ৰাম্য অঞ্চলৰ বৃহৎ অংশ দখল কৰাৰ পিছত প্ৰাদেশিক ৰাজধানীসমূহ ঘেৰাও কৰিছে। যোৱা নিশা আফগানিস্তানৰ দ্বিতীয় বৃহত্তম চহৰ আৰু প্ৰাক্তন বিদ্ৰোহীদুৰ্গ কান্দাহাৰৰ বিমানবন্দৰত তিনিটা ৰকেট নিক্ষেপ কৰিছিল তালি‍বানে।

    Published by:Gautam Barman
    First published: