Superfetation: গৰ্ভৱতী হৈ থকাৰ মাজতে আকৌ হ'ল গৰ্ভৱতী! জন্ম দিলে দুটি যমজ সন্তান

News18 Assam | News18-Assam
Updated:April 2, 2021, 7:19 PM IST
Superfetation: গৰ্ভৱতী হৈ থকাৰ মাজতে আকৌ হ'ল গৰ্ভৱতী! জন্ম দিলে দুটি যমজ সন্তান
গৰ্ভৱতী হৈ থকাৰ মাজতে আকৌ গৰ্ভৱতী হ'ল মহিলা! চিকিৎসকে জনোৱা মতে, বিশ্বৰ মাত্ৰ ০.৩ শতাংশ মহিলাৰ ক্ষেত্ৰতহে এনেধৰণৰ ঘটনা ঘটে।

গৰ্ভৱতী হৈ থকাৰ মাজতে আকৌ গৰ্ভৱতী হ'ল মহিলা! চিকিৎসকে জনোৱা মতে, বিশ্বৰ মাত্ৰ ০.৩ শতাংশ মহিলাৰ ক্ষেত্ৰতহে এনেধৰণৰ ঘটনা ঘটে।

  • Share this:
আচৰিত ঘটনা! গৰ্ভত সন্তান থকাৰ মাজতে আকৌ গৰ্ভৱতী হ'ল এগৰাকী মহিলা। আনকি একেলগে জন্ম দিলে দুয়োটা শিশুকে। এই বিৰল ঘটনাৰ সাক্ষী হ'ল ইংলেণ্ডৰ এটি দম্পত্তি। বিজ্ঞানৰ ভাষাত ইয়াক কোৱা হয় Superfetation। বিশ্বৰ মাত্ৰ ০.৩ শতাংশ মহিলাৰ ক্ষেত্ৰতহে এনেধৰণৰ ঘটনা ঘটে।

ৰেবেকা ৰবাৰ্টচ নামৰ এই মহিলাৰ গৰ্ভত আছিলসন্তান। কিন্তু সেই অৱস্থাতে তেওঁ পুনৰ গৰ্ভৱতী হয়। প্ৰথমটো ভ্ৰুণত পুত্ৰ সন্তান থকাৰ বিপৰীতে দ্বিতীয়টো ভ্ৰুণত আছিল কন্যা সন্তান। উল্লেখ্য যে, গৰ্ভত যেতিয়া দুটা পৃথক পৃথক ডিম্বানু বেলেগ বেলেগ সময়ত নিষিক্ত হয়, তেতিয়াই এনে ধৰণৰ ঘটনা ঘটে।

যোৱা ১৭ ছেপ্তেম্বৰত মহিলাগৰাকীয়ে পুত্ৰ নোয়া আৰু কন্যা ৰোজালিক জন্ম দিয়ে। কিন্তু জন্ম দিয়া দুয়োটা সন্তানেই দেখাত বেলেগ বেলেগ। নোয়া সম্পূৰ্ণ সঠিক সময়ত জন্ম হোৱাৰ বিপৰীতে কন্যা ৰোজালিয়া ৭ মাহতে জন্ম হয়। গতিকে ৰোজালিয়াৰ শৰীৰৰ আকাৰ অত্যন্ত সৰু।সেইদৰে ওজনো কম।

জন্মৰ তিনি সপ্তাহৰ পিছতে হাস্পতালৰ পৰা ৰিলিজ দিয়া হয় নোয়াক। কিন্তু ৰোজালিয়াক অন্য হাস্পতাললৈ স্থানান্তৰিত কৰা হয়। পিছে জন্মৰ ৯৫ দিনৰ পিছত এতিয়া সম্পূৰ্ণ সুস্থ হৈ হাস্পতালৰ পৰা ৰিলিজ লৈছে ৰোজালিয়াই।

এই ঘটনা পোহৰলৈ অহাৰ পিছতে এতিয়া ইংলেণ্ডৰ দম্পত্তিটো ব্যাপক ভাবে চৰ্চিত হৈছে।
Published by: Himangshu Bhuyan
First published: April 2, 2021, 7:19 PM IST
আৰু চাওক
পৰৱৰ্তী বাতৰি

শেহতীয়া বাতৰি