২০২৫ চনৰ ভিতৰত বিক্ৰী বন্ধ হৈ পৰিব পাৰে পেট্ৰ’ল আৰু ডিজেলচালিত গাড়ীৰ!

News18 Assam | News18-Assam
Updated:January 10, 2021, 9:00 AM IST
২০২৫ চনৰ ভিতৰত বিক্ৰী বন্ধ হৈ পৰিব পাৰে পেট্ৰ’ল আৰু ডিজেলচালিত গাড়ীৰ!
বিশেষজ্ঞসকলে ধাৰণা কৰা অনুসৰি ২০২১ চনত এনে গাড়ীৰ বিক্ৰীয়ে বজাৰৰ প্ৰায় ৬৫% দখল কৰিব।

বিশেষজ্ঞসকলে ধাৰণা কৰা অনুসৰি ২০২১ চনত এনে গাড়ীৰ বিক্ৰীয়ে বজাৰৰ প্ৰায় ৬৫% দখল কৰিব।

  • Share this:
অচিৰেই ইন্ধনচালিত বাহনৰ বিক্ৰী বন্ধ কৰাৰ দিশে আগবাঢ়িছে এখন দেশ। ২০২৫ চনৰ ভিতৰত এইখন দেশত  পেট্ৰ’ল আৰু ডিজেলচালিত গাড়ীৰ বিক্ৰী বন্ধ কৰাৰ পৰিকল্পনা কৰিছে চৰকাৰে। বৰ্তমান এই দেশখনত পেট্ৰ’ল আৰু ডিজেলচালিত গাড়ীতকৈ ইলেক্ট্ৰিক কাৰৰ বিক্ৰী বৃদ্ধি পাইছে। ২০২০ চনত ৬৪.৩% বেটাৰীচালিত নতুন ইলেক্ট্ৰিক গাড়ী বিক্ৰীৰে অভিলেখ সৃষ্টি কৰা এই মনোমহা দেশখন হল নৰৱে। ২০১৯ চনত ৪২% এনে নতুন ইলেক্ট্ৰিক কাৰ বিক্ৰী হৈছিল দেশখনত।

নৰৱে দেশখনে পেট্ৰ’লজাত সামগ্ৰী উৎপাদন কৰাৰ লগতে ইয়াৰ পৰা ৰাজহো সংগ্ৰহ কৰে। কিন্তু নৰৱেৰ ৰাজপথত চলাচল কৰা ইলেক্ট্ৰিক হাইব্ৰীড কাৰে সমগ্ৰ বিশ্বতে অভিলেখ সৃষ্টি কৰিছে। দেশখনত পেট্ৰ’ল বা ডিজেলচালিত গাড়ীৰ বিক্ৰী অচিৰেই বন্ধ কৰিবলৈ আগবাঢ়িছে চৰকাৰ। ইয়াৰ বিপৰীতে সম্পূৰ্ণ ইলেক্ট্ৰিক কাৰসমূহক টেক্স ফ্ৰী কৰি দিয়া হৈছে। কিন্তু ইয়াৰ বিপৰীতে ইলেক্ট্ৰিক কাৰসমূহৰ বাবে ৰ'ড টেক্স বৃদ্ধি কৰাৰ পৰিকল্পনা কৰিছে চৰকাৰে।

আনহাতে ইলেক্ট্ৰিক গাড়ীসমূহৰ মূল্য ইন্ধনচালিত গাড়ীৰ মূল্যতকৈ কম হৈ আছে। ২০১১ চনত নৰৱেৰ গাড়ীৰ বজাৰখনৰ ৭৫.৭% দখল কৰি আছিল ডিজেলচালিত গাড়ীয়ে। বৰ্তমান অ'ডি আৰু টেছলা কোম্পানীয়ে অধিক হাৰত ইলেক্ট্ৰিক গাড়ীৰ ব্যৱসায় কৰি আছে। ২০২১ চনত এই ব্যৱসায় বহু পৰিমাণে বৃদ্ধি পাব বুলি ধাৰণা কৰা হৈছে।

বিশেষজ্ঞসকলে ধাৰণা কৰা অনুসৰি ২০২১ চনত এনে গাড়ীৰ বিক্ৰীয়ে বজাৰৰ প্ৰায় ৬৫% দখল কৰিব। সেয়েহে ২০২৫ চনলৈ নৰৱেৰ বজাৰত কেৱল ইলেক্ট্ৰিক গাড়ীহে বিক্ৰী কৰাটো সম্ভৱ হৈ উঠিব বুলি আশা কৰা হৈছে। পেট্ৰ’লচালিত গাড়ীৰ তুলনাত ইলেক্ট্ৰিক গাড়ীত থকা যন্ত্ৰপাতিৰ পৰিমাণ বহু কম। অৰ্থাৎ এনে গাড়ীৰ গৰাকীৰ মেইণ্টেনেন্স খৰচ বহু পৰিমাণে হ্ৰাস পাব।

অৱশ্যে এনে গাড়ীবোৰৰ দামী বেটাৰসমূহ আজীৱন নিটিকে যদিও কেইবাবছৰলৈ বেটাৰীবোৰ ভালে থাকে। শেহতীয়া অধ্যয়নত প্ৰকাশ পোৱা মতে ইলেক্ট্ৰিক গাড়ীৰ উৎপাদনত সাধাৰণ গাড়ীৰ তুলনাত অধিক কাৰ্বনৰ নিৰ্গমন ঘটে। ইয়াৰে সৰ্বাধিক কাৰ্বনৰ নিৰ্গমন ঘটে গাড়ীসমূহৰ মূল উপাদান বেটাৰীবোৰৰ উৎপাদন কৰোতে। মুঠৰ ওপৰত অচিৰেই গাড়ীৰ বজাৰখনত বহু নতুনত্ব দেখিবলৈ পোৱা যাব।
Published by: Sanjay Kumar Das
First published: January 10, 2021, 9:00 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading