২০৩০ ৰ ভিতৰত মানুহৰ সলনি ৰবটে কৰিব কাৰখানাত চাকৰি!

বিশ্বত প্ৰযুক্তিবিদ্যাৰ উত্তৰনৰ লাহে লাহে বৃদ্ধি পাইছে ৰবটৰ ব্যৱহাৰ। সাম্প্ৰতিক সময়ত বিশ্বৰ বিভিন্ন দেশত বিভিন্ন কামত ব্যৱহাৰ কৰা হয় মানৱসৃষ্ট ৰবট সমূহক। এক অৰ্থত ৰবট সমূহ হৈ পৰিছে মানুহৰ সংগী। মানুহৰ বাবে বহু ক্ষেত্ৰতে ৰবটৰ সহায়ৰ একান্ত প্ৰয়োজন হৈ পৰিছে। বিশ্বৰ উন্নত দেশসমূহত একবিংশ শতিকাৰ আৰম্ভনিৰে পৰা বিভিন্ন কামত ৰবটক ব্যৱহাৰ কৰা হৈছে। জাপান, আমেৰিকা, চীন আদি প্ৰযুক্তিবিদ্যাত উন্নত দেশসমূহে বৰটসমূহক বিভিন্ন কামত ব্যৱহাৰ কৰি ইতিমধ্যেই বিশ্ববাসীৰ সমুখত চমক দিবলৈ সক্ষম হৈছে।

সেইসময়তে Oxford Economics ৰ শেহতীয়া প্ৰতিবেদনে দিছে আশ্বৰ্যকৰ তথ্য। কামৰ গতি খৰতকীয়া আৰু নিখুঁট কৰাৰ উদ্দেশ্যে সমগ্ৰ বিশ্বতে প্ৰায় ২০ মিলিয়ন চাকৰিত নিয়েজিত হ’ব ৰবট।তথ্য অনুসৰি ২০৩০ চনৰ ভিতৰত  চীনদেশত মানুহৰ পৰিৱৰ্তে সৰ্বাধিক ১৪  মিলিয়ন ৰবট নিয়োজিত হ’ব কাৰখানাত।

উল্লেখযোগ্য যে প্ৰতিষ্ঠান সমূহত নিয়োজিত কৰ্মচাৰীসকল এতিয়া চাকৰিৰ পৰা বিতাড়িত হ’ব বুলি অনুমান কৰা হৈছে। কামৰ মানদণ্ড উন্নত কৰাৰ উদ্দেশ্যে এই সিদ্ধান্ত ল’ব বিচাৰিছে বিশ্বৰ বহুকেইখন আগশাৰীৰৰ দেশে। ব্ৰিটেইনতো বহু হাজাৰ চাকৰিত নিয়োগ কৰা হ’ব ৰবটক। এনেদৰেই দেশত তথ্য-প্ৰযুক্তিৰ ক্ৰমাত্‍ উন্নতিৰ লগে লগেই জাপান, আমেৰিকা,চীন আদিৰ দেশসমূহৰ দৰে ভাৰততো বৃদ্ধি পাবলৈ ধৰিছে মানৱসৃষ্ট ৰবটৰ ব্যৱহাৰ।