ৰাণী দ্বিতীয় এলিজাবেথৰ কফিনৰ পহৰাত সামৰিক পোছাকত দেখা গ'ল প্ৰিন্স হেৰী আৰু উইলিয়ামক

লণ্ডনৰ ঐতিহাসিক ৱেষ্টমিনষ্টাৰ হলত ব্ৰিটেইনত আটাইতকৈ দীঘলীয়া কাল ৰাজত্ব কৰা ৰাণী দ্বিতীয় এলিজাবেথৰ সন্মানত তেওঁৰ আঠগৰাকী নাতি-নাতিনীয়ে তেওঁৰ কফিনৰ চাৰিওফালে পহৰা দিয়া পৰিলক্ষিত হ'ল। ৰজা তৃতীয় চাৰ্লছৰ পুত্ৰ ৰাজকুমাৰ উইলিয়াম আৰু হেৰী, ৰাজকুমাৰ এণ্ড্ৰিউৰ কন্যা ৰাজকুমাৰী বিয়েট্ৰিছ আৰু ইউজনি, ৰাজকুমাৰী এনিৰ সন্তান পিটাৰ ফিলিপছ আৰু জাৰা টিণ্ডাল আৰু প্ৰিন্স এডৱাৰ্ডৰ সন্তান লুইছ আৰু জেমছক ৰাণীৰ কফিনৰ চাৰিওফালে মৌনতাৰে পহৰা দিয়া পৰিলক্ষিত হয়।

⚫ The Queen's grandchildren hold a Vigil at Westminster Hall:

— The Royal Family (@RoyalFamily) September 17, 2022

প্ৰিন্স উইলিয়াম আৰু হেৰী দুয়ো সামৰিক পোছাকত আছিল। ৰজা চাৰ্লছৰ দুই পুত্ৰই বিশাল ৱেষ্টমিনষ্টাৰ হলত ১৫ মিনিটৰ সজাগতাত শান্তভাৱে থিয় হৈ আছিল। উল্লেখযোগ্য যে, লণ্ডনৰ ঐতিহাসিক ৱেষ্টমিনষ্টাৰ হলত বুধবাৰৰ পৰা ৰাণীৰ মৃতদেহটো ৰয়েল ষ্টেণ্ডাৰ্ডত এটা কফিনত মেৰিয়াই ৰখা হৈছে যাৰ ওপৰত ইম্পেৰিয়েল ষ্টেট ক্ৰাউন ৰখা হৈছে।



ইফালে, হাজাৰ হাজাৰ মানুহে কফিনটো চাবলৈ ২৪ ঘণ্টাতকৈও অধিক সময় অপেক্ষা কৰি আছে। ইয়াৰ পূৰ্বে শনিবাৰে চাৰ্লছ আৰু তেওঁৰ উত্তৰাধিকাৰী উইলিয়ামে শাৰীত থকা শুভাকাংক্ষীসকলক শুভেচ্ছা জনাইছিল আৰু তেওঁলোকৰ সৈতে কৰমৰ্দন কৰিছিল। ইয়াৰোপৰি, তেওঁ ৰাণীক শেষ বিদায় দিবলৈ অহা মানুহবোৰক সুধিছিল যে তেওঁলোকে ৰাণীৰ কফিনক এবাৰ সন্মান জনাবলৈ কিমান সময়ৰ পৰা সেই ঠাইত অপেক্ষা কৰি আছিল বুলি।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।