ভাৰতৰ ২০২০ৰ গণৰাজ্য দিৱসৰ মুখ্য অতিথি হ’ব ব্ৰাজিলৰ ৰাষ্ট্ৰপতি

ব্ৰাজিলৰ ৰাষ্ট্ৰপতি জায়ৰ বোলছোনাৰো হ’ব ভাৰতৰ ২০২০ চনৰ গণৰাজ্য দিৱসৰ অনুষ্ঠানৰ মুখ্য অতিথি। বুধবাৰে প্ৰধানমন্ত্ৰী নৰেন্দ্ৰ মোদীয়ে প্ৰকাশ কৰে এই কথা। ১১ সংখ্যক ব্ৰিকছ শীৰ্ষ সন্মিলনত অংশগ্ৰহণৰ বাবে ব্ৰাজিললৈ গৈছে প্ৰধানমন্ত্ৰী মোদী। ব্ৰাজিলৰ ৰাষ্ট্ৰপতি বোলছোনাৰোক সাক্ষাৎ কৰে মোদীয়ে। দুয়োগৰাকী নেতাৰ মাজত দ্বিপাক্ষিক সম্বন্ধ সুদৃঢ় কৰাক লৈ আলোচনা হয়। প্রধানমন্ত্ৰী মোদীয়ে এই সাক্ষাতৰ সময়তে বোলছোনাৰোক ২০২০ চনৰ গণৰাজ্য দিৱসৰ অনুষ্ঠানলৈ আমন্ত্ৰণ জনায়। ব্ৰাজিলৰ ৰাষ্ট্ৰপতিয়ে আনন্দেৰে মোদীৰ এই আমন্ত্ৰণ স্বীকাৰ কৰে।