বিয়াৰ দিনাই ন-কইনাৰ পিৰিয়ডছ! খঙত অগ্নিশৰ্মা স্বামী আৰু শাহু, বিবাহ বিচ্ছেদৰ বাবে কৰিলে আবেদন

বিয়াৰ দিনাই ন-কইনাৰ পিৰিয়ডছ। কিন্তু তাৰ পিছতো প্ৰৱেশ কৰিলে কূলদেৱতাৰ মন্দিৰত। মন্দিৰত সোমোৱাৰ কিছু সময়ৰ আগতে কইনাই জনাই যে, তেওঁৰ পিৰিয়ডছ হৈছে। তথাপিও সেই অৱস্থাতে বিয়াৰ সকলো ৰীতি-নীতিত অংশ লৈছিল ন-কইনাগৰাকীয়ে। আৰু কইনাৰ পৰা এইখিনি কথা জানিব পাৰি খঙত অগ্নি শৰ্মা হৈ পৰে দৰাৰ পৰিয়ালৰ লোক। দৰাৰ পৰিয়ালৰ সন্মান আৰু বিশ্বাসত আঘাত হনাৰ অভিযোগ আনে কইনাৰ বিৰুদ্ধে।

পিৰিয়ডছ চলি থকাৰ সময়ত মহিলাসকলক এতিয়াও বহু ঠাইত অন্য দৃষ্টিৰে চোৱা হয়। সেই কেইদিন মন্দিৰ বা শুভ কামত অংশগ্ৰহণ বা সমাজৰ বহু নিয়ম-নীতিৰ পৰা আঁতৰত ৰখা হয় মহিলাসকলক। একাংশ লোকৰ এনেধৰণৰ কু-সংস্কাৰ বা ভুল ধাৰণা সলনি কৰিবলৈ নাই কোনো লোক। আৰু সেই কু-সংস্কাৰৰৰ ফলতে ঘটিল এই ঘটনা।

বিয়াৰ প্ৰথম দিনাই আৰম্ভ হ’ল বিৰোধ। এতিয়া ন-কইনাৰ সৈতে কোনো ধৰণৰ সম্পৰ্ক ৰাখিবলৈ বিচৰা নাই দৰা ঘৰৰ কোনো লোকেই। আনকি ক্ষোভিত হৈছে দৰাও।

ডিভোৰ্চ ফাইল কৰি মহিলাৰ স্বামীয়ে জনাই যে,‘ তেওঁৰ পৰা বহু দামী বস্তুৰ দাবী কৰিছে পত্নীয়ে। নিদিলে আত্মহত্যা কৰাৰ ভয় দেখুৱাইছে। পত্নীগৰাকী পেছাত শিক্ষয়ত্ৰী। স্বামী বেচৰকাৰী সংস্থাৰ কৰ্মচাৰী।

এতিয়া পত্নীয়েও স্বামীৰ বিৰুদ্ধে দাখিল কৰিছে অভিযোগ। স্বামীৰ লগতে স্বামী গৃহৰ লোকে মহিলাগৰাকীক শাৰীৰিক-মানসিক অত্যাচাৰ চলোৱাৰ অভিযোগ আনিছে। বিয়াৰ দিনা পিৰিয়ডছ হোৱাৰ পিছৰে পৰাই স্বামী গৃহৰ লোকে শাৰীৰিক-মানসিক অত্যাচাৰ চলোৱাৰ গুৰুতৰ অভিযোগ আনিলে মহিলাগৰাকীয়ে। ঘটনাতো সংঘটিত হৈছে গুজৰাটত।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।