শিক্ষক, শিক্ষাৰ্থীৰ মাজত No প্ৰেম, No যৌন সম্পৰ্ক! এইখন বিশ্ববিদ্যালয়ে বান্ধি দিলে নতুন নিয়ম

কোৰোণা ভাইৰাছৰ নতুন ষ্ট্ৰেনে নতুনকৈ ইউৰোপৰ দেশসমূহক আতংকিত কৰি তুলিছে। কিদৰে এই ভাইৰাছৰ বিৰুদ্ধে মোকাবিলা কৰিব পৰা যায়, সেইলৈ চিন্তাত পৰিছে চিকিত্‍সা বিজ্ঞানীসকল। ইয়াৰ মাজতে এটা বিশেষ নিয়ম বান্ধি দিলে অক্স’ফোৰ্ড বিশ্ববিদ্যালয়ে। যি নিয়মে এতিয়া দৃষ্টি আকৰ্ষণ কৰিছে সকলোৰে। শিক্ষক, শিক্ষাৰ্থীৰ মাজত প্ৰেম, যৌন সম্পৰ্ক মানি নলয় অক্স’ফোৰ্ডে। গৱেষণা কৰি দেখা গৈছে যে, এই ধৰণৰ সম্পৰ্ক বাঢ়ি অহাৰ ফলত সমাজত মহিলাজনিত অপৰাধ বাঢ়িছে।

আগন্তুক নতুন বছৰৰ পৰাই প্ৰযোজ্য হ’ব এই নতুন নিয়ম। কোনো শিক্ষক-শিক্ষাৰ্থীৰ মাজত যদি এনে ধৰণৰ সম্পৰ্ক গঢ়ি উঠে, তেন্তে জনাব লাগিব বিশ্ববিদ্যালয় কৰ্তৃপক্ষক। আৰু এই ক্ষেত্ৰত বলপূৰ্বক আচৰণ কৰাৰ অভিযোগ উত্থাপিত হ’লে, শিক্ষক শিক্ষাৰ্থীক নিলম্বিত কৰা হ’ব।

অতীতৰ এনে বহু ঘটনাৰ ফলত বহু শিক্ষৰ্থীৰ স্বাভাৱিক জীৱন যাত্ৰা ব্যাহত হৈছে। সেইদৰে বহুতৰে সংসাৰ ভংগ হৈছে। পাৰিবাৰিক অশান্তিৰ সৃষ্টি হৈছে। এই সিদ্ধান্ত গ্ৰহণ কৰা অক্স’ফোৰ্ডেই যে প্ৰখম, সেই কথা নহয়। ইয়াৰ পূৰ্বেও চেণ্ট হাফছ ইউনিভাৰ্চিটীয়ে সম্প্ৰতি শিক্ষকৰ সৈতে শিক্ষাৰ্থীৰ প্ৰেম বা যৌন সম্পৰ্ক নিষিদ্ধ কৰিছে। আনকি ওৰচেষ্টাৰ নামৰ এখন কলেজেও এই সন্দৰ্ভত চিন্তা চৰ্চা কৰিছে।