বুলবুলে প্ৰাণ কাঢ়িলে ২২জন লোকৰ, বাংলাদেশত ক্ৰমাৎ ক্ষান্ত হৈছে বুলবুল

বাংলাদেশ আৰু পশ্চিম বংগত ঘূৰ্ণীবতাহ বুলবুলৰ তাণ্ডৱত মৃত্যু হৈছে ২২জন লোকৰ। মূষলধাৰ বৰষুণে জনজীৱন ব্যাহত কৰি তুলিছে উপকূলীয় কেইবাটাও অঞ্চল।

বাংলাদেশত দেওবাৰে ঘূৰ্ণীবতাহ ‘বুলবুল’ৰ ফলত মৃত্যু হয় ২২জন লোকৰ। বুলবুলে বিভীষিকাৰ সৃষ্টি কৰাৰ আশংকাত ২১ লাখতকৈ অধিক লোকক সুৰক্ষিত স্থানলৈ স্থানান্তৰ কৰা হৈছে। ঘণ্টাত ১২০ কিলোমিটাৰ বেগত বলা ধুমুহাৰ ফলত ক্ষতিগ্ৰস্ত হৈছে শ শ বাসগৃহ।

বাংলাদেশ কৰ্তৃপক্ষই ইতিমধ্যে বংগোপ সাগৰৰ উত্তৰ অংশত মাছমৰীয়াৰ নাও আৰু ট্ৰ’লাৰ চলাচলত নিষেধাজ্ঞা জাৰি কৰিছে। লগতে নদীত নাও চলাচল অস্থায়ীভাৱে বন্ধ ৰখা হৈছে।

বাংলাদেশৰ বতৰ বিজ্ঞান বিভাগে দেওবাৰে এক বিশেষ বুলেটিনত কয় যে ঘূৰ্ণীবতাহ লাহে লাহে ক্ষন্ত হৈছে আৰু ভাৰতৰ পশ্চিম বংগ আৰু বাংলাদেশৰ দক্ষিণ–পশ্চিম অঞ্চলৰ পৰা আঁতৰি গৈছে।