পুত্ৰৰ বিয়াত কইনা দেখি হতভম্ব মাতৃ, হ’বলগীয়া বোৱাৰী দেখোন নিজৰেই জীয়ৰী!

এক আজৱ ঘটনা সংঘটিত হৈছে চুবুৰীয়া দেশ চীন (China)ত। চীনৰ এগৰাকী মাতৃয়ে জানিব পাৰে যে তেওঁৰ পুত্ৰই বিয়া কৰাবলগীয়া ছোৱালীজনী তেওঁৰ দীৰ্ঘদিন আগতে হেৰুওৱা জীয়ৰী। ৩১ মাৰ্চত চীনৰ জিয়াংচু প্ৰদেশ (Jiangsu province)ৰ চুঝৌ (Suzhou)ত তেওঁৰ পুত্ৰৰ বিয়াত কইনাৰ হাতত থকা এটা বাৰ্থমাৰ্ক দেখি মাতৃৰ দুচকু পানীৰে উপচি পৰে। কইনাৰ হাত থকা বাৰ্থমাৰ্কটো দেখি মহিলাগৰাকী হতভম্ব হৈ পৰিছিল আৰু তেওঁৰ ছোৱালীজনীৰ একে ধৰণৰ বাৰ্থমাৰ্ক থকাৰ কথা মনত পৰে।

মহিলাগৰাকীয়ে লগে লগে কইনাৰ পৰিয়ালৰ ওচৰলৈ গৈ তেওঁলোকক সুধিছিল যে ছোৱালীজনী তেওঁলোকে তুলি (Adopted) লৈছিল নেকি? এই প্ৰশ্নটোৱে পৰিয়ালটোক সম্পূৰ্ণৰূপে হতবাক কৰি তুলিছিল কিয়নো ছোৱালীজনী তুলি লোৱাৰ বাতৰিটো ইমান বছৰে গোপন হৈ আছিল। তেওঁলোকে ছোৱালীজনীক প্ৰায় ২০ বছৰ আগত তুলি লৈছিল। অৱশ্যে, তেওঁলোকে প্ৰকাশ কৰিছিল যে তাইক প্ৰায় ২০ বছৰ আগতে তুলি লোৱা হৈছিল। পৰিয়ালটোৱে ২০ বছৰ পূৰ্বে ৰাস্তাৰ কাষত পাইছিল কেঁচুৱা কন্যা সন্তানটি।

প্ৰকৃত পিতৃ-মাতৃৰ বিষয়ে জানিবলৈ পাই কইনাগৰাকীয়েও কান্দি উঠিছিল আৰু কৈছিল যে তাইৰ প্ৰকৃত–মাতৃক লগ পোৱাটো বিয়াৰ দিনটোতকৈ অধিক সুখকৰ। কিন্তু ঘটনাটো ইমানতে শেষ হোৱা নছিল।

ছোৱালীজনীয়ে তাইৰ জ্যেষ্ঠ ভাতৃক বিয়া কৰাবলগীয়া হোৱাত বিভ্ৰান্ত হৈ পৰিছিল। অৱশ্যে, শাহুৱেকে প্ৰকাশ কৰিছিল যে তেওঁলোকৰ বিবাহত কোনো আপত্তি নাই কিয়নো দৰাকো তুলি লোৱা হৈছিল। সেয়েহে তেওঁলোক তেজৰ সম্পৰ্কৰে ভাতৃ-ভগ্নী নাছিল।

মহিলাগৰাকীয়ে কৈছিল যে তেওঁ নিৰুদ্দিষ্ট জীয়ৰীক বিচাৰি পোৱাৰ সকলো আশা হেৰুৱাই ল’ৰা এটা তুলি লৈছিল। চীনৰ এক সংবাদ মাধ্যমৰ বাতৰি অনুসৰি, বহু বছৰ ধৰি মহিলাগৰাকীয়ে জীয়ৰীক বিচাৰি উলিয়াবলৈ চেষ্টা কৰাৰ পিছত, অৱশেষত আশা এৰি দিছিল। তাৰ পিছত এটি ল’ৰা তুলি লৈছিল। এই কথা জানিব পাৰি কইনাগৰাকীয়ে সকাহ পাইছিল আৰু দম্পতীহালে তেওঁলোকৰ বিবাহৰ ৰীতি-নীতি সম্পূৰ্ণ কৰিছিল।