গভীৰ খাদ এটাৰ গড়াত থিয়ৈ হৈ আছে দুজন লোক, দেখিলে লাগে অসম্ভৱ, কিন্তু এয়া বাস্তৱ

একেখন ছবিৰ একাধিক ৰূপ থাকিব পাৰে। যেতিয়া আপুনি এখন ছবি বিভিন্ন দিশৰ পৰা, বিভিন্ন কোণৰ পৰা চায়, ইয়াৰ অৰ্থ সলনি হৈ যায়। যিকোনো ছবি কি কোণৰ পৰা অঁকা হয়, ই কেনে দেখাব তাৰ ওপৰত নিৰ্ভৰ কৰে। কিন্তু বহুসময়ত ছবিখনৰ কোণে এনে এক বিভ্ৰান্তিৰ সৃষ্টি কৰে যে যথেষ্ট গুৰুত্ব দিয়াৰ পাছতো মগজু আৰু চকু প্ৰতাৰিত হয়।

এটা আশ্চৰ্যজনক অপ্টিকেল ভ্ৰম য'ত দুজন মানুহক গভীৰ খাদ এটাৰ একেবাৰে কাষত থিয় হৈ থকা দেখা গৈছে। ছবিখন দেখি সকলোৱেই চিন্তিত হ'ব পাৰে। কিন্তু এইটো সত্য যে ছবিখনত কোনো ধৰনৰ সাস-সলনি কৰা হোৱা নাই বা ছবিখনক কোনোধৰণে ফটোছপ কৰা হোৱা নাই। এই ছবিখন ফ্লৰেন্স কেথেড্ৰেলৰ ভিতৰত তোলা হৈছে, যাক আনুষ্ঠানিকভাৱে চেইণ্ট মেৰী অফ দ্য ফ্লাৱাৰ্ছৰ কেথেড্ৰেল বুলি জনা যায়। এই ছবিখনৰ সত্যতা জানিবলৈ, আপুনি এই ছবিখন আন এটা কোণৰ পৰা চাব লাগিব। তেতিয়া নিশ্চিতভাৱে আপোনাৰ চকু মুকলি হৈ পৰিব।



ছবিখন এক পবিত্ৰ স্থানৰ। গভীৰ খাদৰ দেৱালত দুজন মানুহ থিয় হৈ থকা দেখি আচৰিত হৈ পৰে সকলো। মনত বহুতো প্ৰশ্ন আহে যে এই দুজন মানুহে এনে ঠাইত কেনেকৈ ভাৰসাম্য বজাই ৰাখিব পাৰিছে? তেওঁলোকে প্ৰকৃতিৰ মাধ্যাকৰ্ষণ সূত্ৰক কেনেকৈ ভুল প্ৰমাণ কৰিবলৈ সক্ষম হৈছে? এই সকলোবোৰ চিন্তা কৰি মনৰ গভীৰলৈ আপুনি প্ৰবেশ কৰিব পাৰে। কিন্তু  ঠাইখনৰ আন এখন ছবি চকুত পৰিলেই আপোনাৰ সকলো ভ্ৰৰম দূৰ হৈ যাব পাৰে। দ্বিতীয় ছবিখনতো ঠাইখন একে আছে আৰু তীৰত থিয় হৈ থকা মানুহবোৰ একেই আছে  আৰু তাত থিয় হৈ আছে। কিন্তু ছবিখনৰ কোণে গোটেই ছবিখন সলনি কৰি পেলালে।



মজিয়াত থকা চমৎকাৰ টাইলৱৰ্কে বিভ্ৰান্তি সৃষ্টি কৰে

ছচিয়েল মিডিয়া ব্যৱহাৰকাৰীসকল আচৰিত হৈছিল যে কেনেকৈ দুয়োজন মানুহে তেওঁলোকৰ ভাৰসাম্য বজাই ৰাখিবলৈ সক্ষম হৈছিল। কিন্তু যেতিয়া বাস্তৱৰ ছবিখন দেখিলে তেওঁলোক আৰু অধিক আচৰিত হৈছিল। ইয়াৰ পৰা বুজা যায় যে ষোড়শ শতিকাতো মানুহৰ চকুক প্ৰতাৰণা কৰিবলৈ যথেষ্ট ভ্ৰম ছবি আছিল। দৰাচলতে, মানুহে যিটোক গাঁত বুলি ভাবিছিল সেয়া হৈছে প্ৰকৃততে মজিয়াত থকা টাইলৰ অসাধাৰণ আৰ্হি যাক ঐতিহাসিক কেথেড্ৰেলবোৰত মজিয়াবোৰ সজাবলৈ লগোৱা হয়। ইয়াৰ অবিশ্বাস্য আৰু অসাধাৰণ স্থাপত্য আৰু ভিতৰভাগে ইয়াক পৃথিৱীৰ আটাইতকৈ ধুনীয়া কেথেড্ৰেলসমূহৰ এটা কৰি তুলিছে। এই আশ্চৰ্যজনক বিভ্ৰান্তি আৰু চমৎকাৰ টাইলৱৰ্ক দেখি নেটিজেনসকলে তেওঁলোকৰ চকুকেই বিশ্বাস কৰিবলৈ টান পাইছে।