দেহোপজীৱিনীৰ সৈতে নিশা কটোৱা যুৱকৰ অকাল মৃত্যু, চিকিৎসকৰ মতে অতিপাত সংগমেই হ'ল কাল

স্বাস্থ্য বিশেষজ্ঞসকলে কয় যে, শৰীৰ সুস্থ ৰাখিবলৈ যৌন সম্পৰ্কৰ আছে গুৰুত্ব। শাৰীৰিক সংগমে কিছু পৰিমাণে কেলৰী বাৰ্ন কৰে। ইয়াৰ লগত জিমলৈ গৈ ঘাম বাহিৰ কৰাৰ বিশেষ কোনো পাৰ্থক্য নাই বুলিও একাংশই ক'ব বিচাৰে।। এজন ব্যক্তি যদি শাৰীৰিক দিশত সুস্থ নহয়, তেন্তে মানসিক ভাবেও অত্যন্ত চাপত থকা দেখা যায়।

দক্ষিণ-পূব আফ্ৰিকাৰ মালউইত সংঘটিত হৈছে এক চাঞ্চল্যকৰ ঘটনা। ঘটনাই আচৰিত কৰি তুলিলে দুটা পক্ষক।ইয়াৰ ভিতৰত এটা হ'ল যুৱকৰ পৰিয়াল আৰু আনটো হ'ল পতিতালয়। জনা গৈছে যে, দেহোপজীৱিনীৰ সৈতে শাৰীৰিক সম্পৰ্কৰ কিছু সময়ৰ পিছত মৃত্যু মুখত পৰে এজন যুৱক।

যুৱকজনৰ নাম চাৰ্লছ মাজাওৱা। বয়স ৩৫ বছৰ। যুৱকজনে এখন পতিতালয়ৰ পৰা এগৰাকী সংগী পছন্দ কৰি আনি নিশা কটাইছিল এখন হোটেলত। আৰক্ষীক সেই মহিলাগৰাকীয়ে জনোৱা মতে, শাৰীৰিক সম্পৰ্কৰ অন্তত অধিক ভাগৰুৱা হৈ পৰে যুৱকজন আৰু মুখেৰে মাতিব নোৱাৰা হৈ পৰে।

বিবৃতি অনুসৰি,মহিলাগৰাকীয়ে বুজিব পৰা নাছিল ঘটনাটো। ভাবিছিল অত্যাধিক ক্লান্ত হোৱাৰ পিছত তেওঁৰ টোপনি ধৰিছে। কিন্তু অৱশেষত যুৱকজনৰ মৃত্যু হোৱা বুলি নিশ্চিত হয় মহিলাগৰাকী। লগে লগে লগৰ অন্য মহিলালৈ ফোন কৰে মহিলাগৰাকীয়ে। আৰু পিছত আৰক্ষীক খবৰ দিয়ে।

ইয়াৰ পিছতে, এগৰাকী হেলথ একজামিনাৰক লগত লৈ হোটেলখনলৈ আহে এগৰাকী আৰক্ষী বিষয়া। আৰক্ষীয়ে সংগ্ৰহ কৰে মহিলাগৰাকীৰ ভাষ্য। সেইসময়তে হেলথ একজামিনাৰে পৰীক্ষা কৰে মৃতদেহটো। প্ৰাথমিক পৰীক্ষাৰ অন্তত অতিপাত সংগমেই যুৱকজনৰ মৃত্যুৰ কাৰণ বুলি জনাইছে হেলথ একজামিনাৰজনে।

আৰক্ষীয়ে জনোৱা মতে, বৰ্তমান যুৱকজনৰ মৃতদেহ মৰ্গত ৰখা গৈছে। অতিপাত সংগমৰ ফলত যুৱকজনৰ হৃদস্পন্দন দ্ৰুত হৈ পৰে। লগতে ৰক্তনলীসমূহ ফুলি উঠে। পৰিণামত মস্তিষ্কৰ সিৰা ছিঙি যায় আৰু মৃত্যু হয়।