বৰষুণে ছেমি ফাইনেলত বিধি–পথালি দিলেও ফাইনেললৈ উন্নীত হ’ব টীম ইণ্ডিয়া!

News18-Assam
Updated:July 8, 2019, 12:36 PM IST
বৰষুণে ছেমি ফাইনেলত বিধি–পথালি দিলেও ফাইনেললৈ উন্নীত হ’ব টীম ইণ্ডিয়া!
বতৰে বিধি পথালি দিব নেকি ভাৰত–নিউজীলেণ্ডৰ মাজত হ’বলগীয়া ছেমি ফাইনেলত?

বতৰে বিধি পথালি দিব নেকি ভাৰত–নিউজীলেণ্ডৰ মাজত হ’বলগীয়া ছেমি ফাইনেলত?

  • Share this:
মঙলবাৰে অনুষ্ঠিত হ’ব চলিত বিশ্বকাপৰ প্রথমখন ছেমি ফাইনেল। প্ৰথমখন ছেমি ফাইনেলত সন্মুখ সমৰত অৱতীৰ্ণ হ’ব পইণ্ট তালিকাৰ শীৰ্ষত থকা ভাৰত আৰু চতুৰ্থ স্থানত থকা নিউজীলেণ্ড। হাইভল্টেজ মেচখনৰ বাবে এতিয়া অধীৰ আগ্ৰহেৰে বাট চাই আছে দেশৰ ক্ৰিকেট অনুৰাগীসকল। কিন্তু সেই সময়তে ইংলেণ্ডৰ বতৰ বিজ্ঞান কেন্দ্ৰই দিছে বেয়া খবৰ। মঙলবাৰে ভাৰত আৰু নিউজীলেণ্ডৰ মাজত হ’বলগীয়া প্ৰথমখন ছেমি ফাইনেলত বৰষুণ হোৱাৰ আগজাননী দিলে বতৰ বিজ্ঞান কেন্দ্ৰই।সেইদৰে কিবা কাৰণত যদি ৯ তাৰিখে মেচ অনুষ্ঠিত নহয়,তেন্তে প্ৰথমখন ছেমিফাইনেল অনুষ্ঠিত কৰিবলৈ ৰিজাৰ্ভ ৰখা ১০ জুলাই তাৰিখে প্ৰৱল বৃষ্টিপাতৰ আগজাননী দিলে বতৰ বিজ্ঞান কেন্দ্ৰই।



ইয়াৰ আগতেও ৰাউণ্ড ৰবীন পৰ্যায়ৰ ভাৰত আৰু নিউজীলেণ্ডৰ মেচত বতৰে দিছিল বিধি পথালি। দেওবাৰৰ পৰা অব্যাহত আছে মনচেষ্টাৰত বৰষুণ। কিন্তু এই মুহূৰ্তত সকলোৱে প্ৰাৰ্থনা কৰিছে কাইলৈ হ’বলগীয়া ছেমি ফাইনেল খন সুকলমে পাৰ হ’বৰ বাবে।



বৰষুণেও ৰুধিব নোৱাৰিব বিশ্বকাপত ভাৰতৰ জয়যাত্ৰাক!

বৰষুণে ছেমি ফাইনেলত মেচত বিধি পথালি দিলেও ফাইনেললৈ উন্নীত হ’ব টিম ইণ্ডিয়া! কাৰণ ভাৰতে ১৫ পইণ্টেৰে তালিকাৰ শীৰ্ষত থকাৰ বিপৰীতে নিউজীলেণ্ডৰ পইণ্ট ১১। ফলস্বৰূপে ৯ জুলাইত মেচত বৰষুণে বিধি পথালি দিলে বা ছেমি ফাইনেললৈ ৰিজাৰ্ভ ৰখা ১০ জুলাই তাৰিখে বৰষুণ দিলেও ভাৰতে পইণ্ট তালিকাত নিউজীলেণ্ডকৈ বেছি পইণ্ট পোৱাৰ কাৰণে খেলিব পাৰিব চলিত বিশ্বকাপৰ ফাইনেল।
First published: July 8, 2019, 12:36 PM IST
আৰু চাওক
পৰৱৰ্তী বাতৰি

শেহতীয়া বাতৰি