‘আজি গণতন্ত্ৰৰ জয়’, শপত গ্ৰহণত একেলগে ইতিহাস গঢ়াৰ বাৰ্তা বাইডেনৰ

News18 Assam | News18-Assam
Updated:January 21, 2021, 8:33 AM IST
‘আজি গণতন্ত্ৰৰ জয়’, শপত গ্ৰহণত একেলগে ইতিহাস গঢ়াৰ বাৰ্তা বাইডেনৰ
শপত গ্ৰহণর পিছত আমেৰিকাৰ ৰাষ্ট্ৰপতি বাইডেনে কয়, ‘আজি গণতন্ত্ৰ দিন, আজি আমেৰিকাৰ জয় হৈছে। আজিৰে পৰা নতুনকৈ সপোন দেখাৰ দিন।’’

শপত গ্ৰহণর পিছত আমেৰিকাৰ ৰাষ্ট্ৰপতি বাইডেনে কয়, ‘আজি গণতন্ত্ৰ দিন, আজি আমেৰিকাৰ জয় হৈছে। আজিৰে পৰা নতুনকৈ সপোন দেখাৰ দিন।’’

  • Share this:
অৱশেষত আহিল সেই ঐতিহাসিক মুহূৰ্ত। যাৰ মুখলৈ বাট চাইছে এতিয়া সমগ্ৰ মাৰ্কিন মুলুক। তিনিটা দশকৰো অধিক সময় পাৰ হোৱাৰ পিছত আনন্দৰ হাঁহি বিৰিঙিল জো বাইডেনৰ ওঁঠত। আমেৰিকাৰ ৪৬সংখ্যক ৰাষ্ট্ৰপতি হিচাপে শপত গ্ৰহণ কৰি ঐক্যৰ বাৰ্তা দিলে জোছেফ ৰবিনেট বাইডেন জুনিয়ৰে। ইতিহাস সৃষ্টি কৰি উপ–ৰাষ্ট্ৰপতি পদৰ শপত গ্ৰহণ কৰিলে কমলা দেৱী হেৰিছে। আগন্তুক চাৰি বছৰৰ বাবে আমেৰিকাৰ গুৰুদায়িত্ব চম্ভালিব ৭৮ বছৰীয়া বাইডেনে।

নতুন ৰাষ্ট্ৰপতিৰ শপত গ্ৰহণক লৈ ৱাশ্বিংটনক একেবাৰে নতুন ৰূপত সজাই তোলা হয়। কোৰোণাৰ প্ৰতি লক্ষ্য ৰাখি কেপিটেল বিল্ডিঙত অনুষ্টুপীয়া অনুষ্ঠানৰ আয়োজন কৰা হয়। ইয়াৰ উপৰি, কিছুদিন আগতে কেপিটেল বিল্ডিঙত যি ভয়ংকৰ আক্ৰমণ হৈছিল তাৰ পুনৰাবৃত্তি নহ’বলৈ মোতায়েন কৰা হৈছিল নিৰাপত্তা বাহিনীৰ প্ৰায় ১৫ হাজাৰ সেনা কৰ্মীক।সেনাৰ সুৰক্ষা বেষ্টনীৰ মাজতে শপত গ্ৰহণ কৰিলে বাইডেনে।

শপত গ্ৰহণর পিছত আমেৰিকাৰ ৰাষ্ট্ৰপতি বাইডেনে কয়, ‘আজি গণতন্ত্ৰ দিন, আজি আমেৰিকাৰ জয় হৈছে। আজিৰে পৰা নতুনকৈ সপোন দেখাৰ দিন।’’

ইয়াৰ উপৰি বাইডেনে আমেৰিকাবাসীক উদ্দেশ্যি কয়, ‘‘আমি একেলগে এই যুদ্ধত নামিছো। মই আপোনালোকক প্ৰতিশ্ৰুতি দিছো, মই চিৰকাল আপোনালোকৰ ওচৰত থাকিম। অতীতত যি ক্ষতি হৈছে সেয়া মেৰামতি কৰিবলৈ আপোনালোকক মোৰ ওচৰত বিচাৰো। আকৌ নতুনৈ সকলো আৰম্ভ কৰিম। একেলগে আমি আমেৰিকাৰ নতুন ইতিহাস ৰচনা কৰিম।’’

পত্নী জিল বাইডেনো উপস্থিত আছিল অনুষ্ঠানত। পত্নীক উদ্দেশ্যি বাইডেনে কয়, ‘‘মোৰ এই কঠিন যুদ্ধত তোমাক কাষত পাইছো, মই ভাগ্যৱান।’’ হিলেৰী ক্লিণ্টৰ পৰা আৰম্ভ কৰি বাৰাক ওবামা সকলোৱে অভিনন্দন জনাইছে নতুন ৰাষ্ট্ৰপতি আৰু উপ–ৰাষ্ট্ৰপতিক। শুভেচ্ছাৰ ঢৌ উঠিছে ছচিয়েল মিডিয়াত।
Published by: Sanjay Kumar Das
First published: January 21, 2021, 8:33 AM IST
আৰু চাওক
পৰৱৰ্তী বাতৰি

শেহতীয়া বাতৰি