‘এইখন আমেৰিকাৰ কাহিনীত অন্ধকাৰ নহয়, থাকিব মাথোঁ পোহৰ’, শপত গ্ৰহণ কৰি ক’লে জো বাইডেনে

News18 Assam | News18-Assam
Updated:January 21, 2021, 9:03 AM IST
‘এইখন আমেৰিকাৰ কাহিনীত অন্ধকাৰ নহয়, থাকিব মাথোঁ পোহৰ’, শপত গ্ৰহণ কৰি ক’লে জো বাইডেনে
শপত লৈ আমেৰিকাবাসীক উদ্দেশ্যি আন এখন আমেৰিকা গঢ়াৰ বাৰ্তা দিলে বাইডেনে।

শপত লৈ আমেৰিকাবাসীক উদ্দেশ্যি আন এখন আমেৰিকা গঢ়াৰ বাৰ্তা দিলে বাইডেনে।

  • Share this:
বহু ৰক্তক্ষয়, বহু প্ৰতিবাদ, সমদল, হিংসা, সংগ্ৰামৰ পিছত অৱশেষত তেওঁ জয় কৰিলে আমেৰিকাবাসীৰ হৃদয়। তেওঁৰ হৃদয়স্পৰ্শী বক্তব্যত কেপিটেলত বিৰাজ কৰিছিল নিস্তব্ধতা। বিগত ৬ জানুৱাৰীত এই কেপিটেল হল কঁপি উঠিছিল হিংসা আৰু ৰক্তপাতত। ট্ৰাম্প সমৰ্থকসকলৰ আক্ৰমণৰ প্ৰতিবাদত সমগ্ৰ বিশ্বই ধিক্কাৰ জনাইছিল। অৱশেষত সমগ্ৰ অন্ধকাৰ আঁতৰাই ৪৬সংখ্যক মাৰ্কিন ৰাষ্ট্ৰপতি হিচাপে শপত ল’লে ডেম’ক্ৰেট জো বাইডেনে। ৭৮ বছৰ বয়সীয়া আটাইতকৈ বয়োজ্যেষ্ঠ ৰাষ্ট্ৰপতি হিচাপে শপত ল’লে বাইডেনে। ৩৫টা শব্দৰ শপত বাক্য পাঠ কৰিবলৈ গৈ ধৰি ৰাখিব পৰা নাছিল চকুপানী। একেদিনাই প্ৰথমগৰাকী মহিলা উপ–ৰাষ্ট্ৰপতি হিচাপে শপত ল’লে ভাৰতীয় মূলৰ কমলা হেৰিছে।

বুধবাৰে কেপিটেলত এই শপতগ্ৰহণ অনুষ্ঠানক লৈ জকমকীয়া পৰিৱেশে বিৰাজ কৰে। সমগ্ৰ ৱাশ্বিংটন আছিল নিশ্চিদ্ৰ নিৰাপত্তা বেষ্টনীত। অনুষ্ঠানত উপস্থিত আছিল প্ৰাক্তন ৰাষ্ট্ৰপতি বাৰাক ওবামা আৰু তেওঁৰ পত্নী মিছেল ওবামা। আন এগৰাকী প্ৰাক্তন ৰাষ্ট্ৰপতি বিল ক্লিণ্টন আৰু তেওঁৰ পত্নী হিলেৰী ক্লিণ্টনসহ আমেৰিকাৰ বহু গণ্য–মান্য ব্যক্তি। লেডী গাগাৰ কণ্ঠত আমেৰিকাৰ জাতীয় সংগীতেৰে আৰম্ভ হয় অনুষ্ঠান। প্ৰথমে শপতগ্ৰহণ কৰে কমলা হেৰিছে। শপত বাক্য পাঠ কৰায় আমেৰিকাৰ উচ্চতম ন্যায়ালয়ৰ ন্যায়াধীশ ছনিয়া ছোতোমেয়ৰে। ইয়াৰপিছত পডিয়ামলৈ আহে জো বাইডেন। শপত বাক্য পাঠ কৰালে উচ্চতম ন্যায়ালয়ৰ ন্যায়াধীশ জন ৰবাৰ্টছে। আছিল জেনিফাৰ লোপেজৰ গাম ‘আমেৰিকা দ্য বিউটিফুল’।

শপত লৈ আমেৰিকাবাসীক উদ্দেশ্যি আন এখন আমেৰিকা গঢ়াৰ বাৰ্তা দিলে বাইডেনে। য’ত সকলোৱে মিলি আশা, ঐক্যতাৰে নতুন যুক্তৰাষ্ট্ৰ গঢ়ি তোলা হ’ব। বিগত বছৰত ট্ৰাম্পৰ সময়ত আমেৰিকাত বাৰম্বাৰ কৃষ্ণাংগ আন্দোলন তীব্ৰতৰ হৈছিল। বৰ্ণগত মেৰুকৰণ তীব্ৰতৰ হৈ উঠিছিল। বহু দেশৰ সৈতে দ্বিপাক্ষিক সম্পৰ্ক ফাট মেলিছিল। সেই সকলো ফাটত যেন প্ৰলেপ দিলে বাইডেনৰ শপতগ্ৰহণে। তেওঁ ক’লে, কোনো বিশেষ সম্প্ৰদায় বা বৰ্ণৰ নহয়, সমগ্ৰ আমেৰিকাৰ ৰাষ্ট্ৰপতি তেওঁ।
Published by: Sanjay Kumar Das
First published: January 21, 2021, 9:03 AM IST
আৰু চাওক
পৰৱৰ্তী বাতৰি

শেহতীয়া বাতৰি