International Nurses Day: আজি আন্তঃৰাষ্ট্ৰীয় নাৰ্চ দিৱস; ইয়াৰ ইতিহাস আৰু এই বৰ্ষৰ বিষয়বস্তু জানক

ৰোগীৰ স্বাস্থ্যৰ বাবে চিকিৎসকৰ লগতে নাৰ্চসকলৰো ভূমিকা অতি গুৰুত্বপূৰ্ণ। এজন চিকিৎসকে গোটেই দিনটো ৰোগীৰ সৈতে থাকিব নোৱাৰে। নাৰ্চসকলে ৰোগীক সেৱা আগবঢ়াই, তেওঁলোকৰ যত্ন লয়। নাৰ্চে ৰোগীৰ স্থিতি নিৰীক্ষণ, সময়ে সময়ে ঔষধ আদি প্ৰদান কৰে। নাৰ্চসকলৰ সেৱাৰ এই মনোভাৱক সন্মান জনোৱাৰ বাবে আৰু তেওঁলোকৰ অৱদানক প্ৰশংসা কৰিবলৈ সমগ্ৰ বিশ্বতে প্ৰতি বছৰে আন্তঃৰাষ্ট্ৰীয় নাৰ্চ দিৱস পালন কৰা হয়।

নাৰ্চ দিৱস কেতিয়া উদযাপন কৰা হয়?

প্ৰতি বছৰে ১২ মে’ত আন্তঃৰাষ্ট্ৰীয় নাৰ্চ দিৱস উদযাপন কৰা হয়। এই দিৱস ১৯৭৪ চনৰ জানুৱাৰী মাহত আৰম্ভ হৈছিল। অৱশ্যে, পিছলৈ মে’ মাহত নাৰ্চ দিৱস পালন কৰিবলৈ লোৱা হয়।

১২ মে'ত নাৰ্চ দিৱস উদযাপন কৰাৰ কাৰণ

নাৰ্চ দিৱস আধুনিক নাৰ্চিঙৰ প্ৰতিষ্ঠাপক ফ্লৰেন্স নাইটিংগেলক উৎসৰ্গিত কৰি পালন কৰা হয়। যিহেতু ফ্লৰেন্স নাইটিংগেলৰ জন্ম ১২ মে’ত হৈছিল, সেয়েহে এই দিনটোক নাৰ্চ দিৱস হিচাপে উদযাপন কৰা হয়। ফ্লৰেন্স নাইটিংগেলে নবেল নাৰ্চিং সেৱা আৰম্ভ কৰিছিল।

নাৰ্চ দিৱস ২০২৩ৰ বিষয়বস্তু

আন্তঃৰাষ্ট্ৰীয় নাৰ্চ পৰিষদে এক বিশেষ বিষয়বস্তুৰে প্ৰতি বছৰে আন্তঃৰাষ্ট্ৰীয় নাৰ্চ দিৱস উদযাপন কৰে। নাৰ্চ দিৱস ২০২৩ৰ বিষয়বস্তু হৈছে ‘আমাৰ নাৰ্চ, আমাৰ ভৱিষ্যত’।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।