উদ্ধাৰ হৈছে শৰীৰৰ বিভিন্ন অংগ! বিমান দুৰ্ঘটনাৰ ২৪ ঘণ্টাৰ পিছত হাহাকাৰ জাকাৰ্টাত

বিমান দুৰ্ঘটনাৰ ১২ ঘণ্টাৰ পিছত জাকাৰ্টাত পোৱা গৈছে যাত্ৰীৰ শৰীৰৰ বিভিন্ন অংগ। জাকাৰ্টাৰ কাষৰ জাভা সাগৰত শৰীৰৰ অংগ উদ্ধাৰ কৰিছে উদ্ধাৰকাৰী দলে। উল্লেখ্য যে, শনিবাৰে উৰণৰ মাত্ৰ চাৰি মিনিট পিছতে নিখোঁজ হৈছিল ইণ্ডোনেছিয়াৰ  যাত্ৰীবাহী বয়িং ৭৩৭ বিমান। বিমানখনত আছিল মুঠ ৬২জন লোক। তাৰ ভিতৰত এটি সদ্যোজাত শিশুও আছিল। ঘটনাৰ তদন্ত আৰম্ভ কৰিছে ইণ্ডোনেছিয়াৰ ছাৰ্চ এণ্ড ৰেছকিউ এজেন্সীয়ে।

ইণ্ডোনেছিয়াৰ পৰিবহণমন্ত্ৰী বুড়ি কাৰায়া সুমাদীয়ে সাংবাদিকৰ আগত জনাই যে, উদ্ধাৰকাৰীয়ে দুৰ্ঘটনাৰ সাম্ভাব্য স্থান নিশ্চিত কৰাৰ পিছত আৰম্ভ কৰিছে উদ্ধাৰ অভিযান। বিমান সংস্থাৰ বিবৃতি অনুসৰি, বিমানখন ইন্দোনেছিয়াৰ জাকাৰ্টাৰ পৰা পশ্চিম কালিমন্থান প্ৰদেশৰ ৰাজধানী পণ্টিয়ানাৰ অভিমুখে গৈছিল। প্ৰায় ৯০ মিনিটৰ ভিতৰত গন্তব্য স্থান পোৱাৰ কথা আছিল। বিমানখনত ৫০ জন যাত্ৰীৰ উপৰিও ১২ জন বিমান কৰ্মী আছিল। সকলো আছিল ইণ্ডোনেছিয়াৰ নাগৰিক।

পৰিবহণমন্ত্ৰীয়ে লগতে জনাইছে যে, উত্তৰ জাকাৰ্টাৰ লাঞ্চাং অঞ্চল আৰু লাকি দ্বীপপুঞ্জৰ মাজত সন্ধান আৰু উদ্ধাৰ অভিযান চলাবলৈ যুদ্ধ জাহাজসহ প্ৰায় ১২ খন জাহাজ মোতায়েন কৰা হৈছে।

স্থানীয় সংবাদ মাধ্যমে জনাইছে যে, মাছ মৰীয়াই সাগৰত শনিবাৰে বিয়লি ধাতুৰ টুকুৰা প্ৰত্যক্ষ কৰিছিল। যিবোৰ বিমানৰ অংশ বুলি অনুমান কৰা হৈছে। নেচনেল চাৰ্চ এণ্ড ৰেচকিউ এজেন্সীৰ ডেপুটি চীফ বামবাং সূৰ্যোৱে কৈছে যে, ‘উদ্ধাৰকাৰী দলে সাগৰৰ মাজত পোছাক আৰু কিছু ধ্বংসস্তূপ উদ্ধাৰ কৰিছে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।