ম্যানমাৰত বন্দী ৫ ভাৰতীয় নাগৰিকক মুকলি

ম্যানমাৰত বন্দী হৈ থকা ৫ ভাৰতীয় নাগৰিকক মুকলি। ভাৰত চৰকাৰে মঙলবাৰে কয় যে, সঠিক সময়ত কৰা হস্তক্ষেপৰ বাবেই ম্যানমাৰৰ ৰখাইনত এটা বিদ্ৰোহী সংগঠনে বন্দী কৰি ৰখা ৫ ভাৰতীয় আৰু এজন সাংসদসহ ম্যানমাৰৰ ৫ নাগৰিকক মুকলি কৰিবলৈ সক্ষম হৈছে।

গৃহ মন্ত্ৰণালয়ৰ এক বিবৃতি মতে, ম্যানমাৰৰ এজন সাংসদ, ২ জন স্থানীয় ব্যৱসায়ী আৰু ২জন সামুদ্ৰিক নাও পৰিচালকৰ লগতে ৫ ভাৰতীয়ক আৰাকান সেনাই বন্দী কৰিছিল। এই লোকসকল পালেণ্টৱাৰ পৰা ৰহাইনলৈ গৈ আছিল। আৰাকান সেনাৰ জিম্মাত এজন ভাৰতীয় নাগৰিকৰ মৃত্যু হয়।