ফাইনেলত এম্পায়াৰে কৰিলে এই তিনিটা ভুল, নিউজীলেণ্ডে ভৰিলে ইয়াৰ মূল্য!

নিউজীলেণ্ড আৰু ইংলেণ্ডৰ মাজত অনুষ্ঠিত ৱৰ্ল্ড কাপ ফাইনেলত পুনৰ ফীল্ড এম্পায়াৰৰ এম্পায়ৰিঙৰ উপৰত উঠিল প্ৰশ্ন। টছত জয়ী হৈ নিউজীলেণ্ডে প্ৰথমে বেটিং কৰিলে আৰু তেওঁলোকৰ ইনিংছত কুমাৰ ধৰ্মসেনা আৰু মাৰিয়েছ এৰামেছে তিনিটা ভুল সিদ্ধান্ত ল’লে, যাৰ মূল্য নিউজীলেণ্ডে হেৰুৱালে খিতাপ। ইংলেণ্ড আৰু নিউজীলেণ্ডৰ মাজত অনুষ্ঠিত ছুপাৰ অভাৰত অধিক বাউণ্ডেৰী কোবোৱা বাবে ইংলেণ্ডে দখল কৰিলে খিতাপ।

নিউজীলেণ্ডৰ ইনিংছৰ তৃতীয়টো অভাৰত হেনৰী নিকল্ছক ধৰ্মসেনাই Lbw আউট কৰাইছিল। যদিও Reviewৰ পিছত তেওঁক নট আউট ঘোষণা কৰা হৈছিল, কাৰণ বল ষ্টাম্পৰ ওপৰেৰে গৈছিল। ইয়াৰ পিছত ২৩ সংখ্যক অভাৰত লিএম প্লানকেটৰ বল কেনে উলিয়ামছনৰ বেটত লাগি উইকেটকিপাৰৰ হাতত পৰিছিল, কিন্তু ধৰ্মসেনাই সেইটো আউট বুলি ঘোষণা নকৰিলে। ইংলেণ্ডে এই সিদ্ধান্ত ৰিভিউ ল’লে আৰু সিদ্ধান্ত তেওঁলোকৰ পক্ষত থাকিল। ৩৪ সংখ্যক অভাৰত মাৰেয়ছ এৰামছে মাৰ্ক বুডৰ বলত ৰছ টেলৰক Lbw ঘোষণা কৰিলে, যদিও ৰিপ্লে’ত স্পষ্ট আছিল যে বল ষ্টাম্পৰ ওপৰেৰে গৈছিল।

ছেমিফাইনেলতো ধৰ্মসেনাৰ বিৰুদ্ধে প্ৰশ্ন উত্থাপন হৈছিল
ইংলেণ্ডে আৰু অষ্ট্ৰেলিয়াৰ মাজত অনুষ্ঠিত হোৱা ছেমিফাইনেলতো ধৰ্মসেনাৰ ভুল সিদ্ধান্তৰ বাবে তেওঁক লক্ষ্য কৰা হৈছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।