former Prime Minister Imran Khan : পাকিস্তানৰ প্ৰাক্তন প্ৰধানমন্ত্ৰী ইমৰান খানৰ বেডৰুমত স্পাই কেমেৰা, কৰ্মচাৰীক গ্ৰেপ্তাৰ

পাকিস্তানৰ প্ৰাক্তন প্ৰধানমন্ত্ৰী ইমৰান খানৰ বেডৰুমত 'স্পাই কেমেৰা' লগোৱাৰ সময়ত হাতেলোটে ধৰা পৰিল এজন কৰ্মচাৰী। খানৰ বাসভৱনত কৰ্মৰত আছিল কৰ্মচাৰীজন। পাকিস্তানী সংবাদ মাধ্যমত ইমৰান খানৰ দল তেহৰিক-ই-ইনচাফে এই কথা সদৰী কৰে।

দলটোৰ অভিযোগ যে পাকিস্তানৰ প্ৰাক্তন প্ৰধানমন্ত্ৰী ইমৰান খানক নিৰীক্ষণ কৰি থকা হৈছে। আৰু কৰ্মচাৰীজনক এইটো কৰিবলৈ উৎকোচ দিয়া হৈছিল ( paid to install the spy device)।

পাকিস্তানী সংবাদ মাধ্যম 'এআৰআই নিউজে' (Pakistan's ARY News ) দাবী কৰিছে যে ইছলামাবাদৰ বানী গালাত ইমৰান খানৰ ওপৰত চকু ৰখাৰ বাবে চোৰাংচোৱা ৰখা কৰা হৈছে। ইমৰান খানৰ ঘৰত স্পাই কেমেৰা ৰাখিবলৈ যোৱা কৰ্মচাৰীজন এজন চাফাই কৰ্মী আছিল, তেওঁক গ্ৰেপ্তাৰ কৰা হয়।

শেহতীয়াকৈ, পাকিস্তানত ইমৰান খানক (former Pakistan prime minister Imran Khan ) হত্যা কৰাৰ পৰিকল্পনা কৰাক লৈ উৰাবাতৰিও বিয়পি পৰিছে। তেওঁৰ দলৰ বহুতো নেতাই ইতিমধ্যে তেওঁৰ জীৱনৰ প্ৰতি আশংকা অহাৰ কথা প্ৰকাশ কৰিছে।

দলটোৰ নেতা শ্বেহবাজ গীলে (Shehbaz Gill) এই বিষয়ে কয়, "এয়া এক জঘন্য ঘটনা। পাকিস্তান চৰকাৰকে ধৰি সংশ্লিষ্ট সকলো সংস্থাক বিষয়টো সম্পৰ্কে অৱগত কৰা হৈছে।'' তেওঁ লগতে উল্লেখ কৰে যে এনে লজ্জাজনক কাৰ্য পৰিহাৰ কৰা উচিত। শ্বেহবাজে দাবী কৰিছিল যে গ্ৰেপ্তাৰ কৰা কৰ্মীজনে এই সন্দৰ্ভত কিছু তথ্য দিছিল। কৰ্মচাৰীজনে কি তথ্য প্ৰকাশ কৰিছিল তেওঁ কোৱা নাই।