হু হুৱাই বাঢ়িছে নতুন কোৰোণা, তিনি সপ্তাহৰ সম্পূৰ্ণ লকডাউন...

লণ্ডনঃ হু হুৱাই বাঢ়িছে নতুন ষ্ট্ৰেইনৰ কোৰোণা। ৫ কোটি ৬০ লাখ মানুহৰ প্ৰাণ মানুহৰ প্ৰাণ বচাবলৈ ব্ৰিটেইনৰ প্ৰধানমন্ত্ৰী বৰিছ জনছনে আকৌ এবাৰ লকডাউনৰ পথ বাছি লৈছে। সোমবাৰে তেওঁ জনায় আগন্তুক ৬ সপ্তাহ সম্পূৰ্ণ লকডাউন থাকিব ব্ৰিটেইনত। বন্ধ থাকিব স্কুল–কলেজো। বৰিছ জনছনৰ ভয় এতিয়াই যদি লেকাম টনা নহয় তেনেহ’লে ব্ৰিটেইনৰ স্বাস্থ্যব্যৱস্থা ভাঙি পৰিব।

সোমবাৰে দেশবাসীক উদ্দেশ্যি ভাষণ আগবঢ়াই বৰিছ জনছনে টীকাকৰণ যুদ্ধত ব্ৰিটেইনৰ ভূমিকাৰ কথা উল্লেখ কৰি কয়, "আমি ক’ভিডৰ সমস্ত প্রতিকুলতাৰ সৈতে খুব ভালকৈ যুদ্ধ কৰিছো। কিন্তু এতিয়া উদ্বেগ বাঢ়িছে। জাতীয় স্বাস্থ্য ব্যৱস্থাক ঠিককৈ ৰাখিবলৈ, জীৱন ৰক্ষা কৰিবলৈ এই মুহূৰ্তত ঘৰত থকা উচিত।" বুধবাৰৰ পৰা আৰম্ভ হ’ব এই লকডাউন, চলিব ফেব্ৰুৱাৰীৰ মাজলৈকে।

ব্ৰিটিশ প্ৰধানমন্ত্ৰীয়ে কয়, যোৱা বছৰৰ এপ্ৰিল মাহৰ পৰা বেয়া অৱস্থা হাস্পতালসমূহৰ। এই অৱস্থাত তেওঁ ক’ভিড ভেৰিয়েণ্টটো নিয়ন্ত্ৰণৰ কাৰণে কঠোৰ ব্যৱস্থা লোৱাৰ কথা কয়। তেওঁ কয়, এই মুহুর্তত নতুন কোৰোণাত আক্ৰান্ত হৈ অন্ততঃ ২৭হাজাৰ জন লোক হাস্পতালত ভৰ্তি হৈ আছে।

পৰিস্থিতি আয়ত্বৰ বাহিৰলৈ যোৱা দেখি বৰিছ জনছনক স্বাস্থ্য বিশেষজ্ঞই লকডাউনৰ পৰামৰ্শ দিয়ে। স্কটলেণ্ডে আগেভাগেই লকডাউনৰ ঘোষণা কৰি দিয়ে। বিশেষজ্ঞসকলে স্বাস্থ্যপৰিস্থিতি পৰ্যৱেক্ষণ কৰি কৈছে যে অন্ততঃ ২১ দিনৰ কাৰণে যুদ্ধকালীন সতৰ্কতা লাগে। তাৰপিছতে বৰিছ জনছনে লকডাউন ঘোষণা কৰে। অত্যাৱশ্যকীয় সামগ্ৰীৰ দোকানৰ বাহিৰে একো খোলা নাথাকে লকডাউনত।