Tokyo Paralympics: ভাৰতলৈ আৰু দুটা পদক, সোমবাৰে পদকৰ সংখ্যা ৭লৈ বৃদ্ধি ! জেভেলিন থ্ৰোত দেৱেন্দ্ৰ ঝাঝাৰিয়াই ৰূপ আৰু সুন্দৰ সিঙৰ ব্ৰঞ্জৰ পদক অৰ্জন...

Tokyo Paralympics: ভাৰতৰ দেৱেন্দ্ৰ ঝাঝাৰিয়াই ৰূপ আৰু সুন্দৰ সিঙে জেভেলিন থ্ৰোত ব্ৰঞ্জৰ পদক জিকিছে। প্ৰতিযোগিতাখনৰ বাবে সোণৰ পদক শ্ৰীলংকাৰ মুদিয়ানেলছ হেৰাথে জিকিছে। তেওঁ ৬৭.৭৯ মিটাৰ দলিয়াইছিল। দেৱেন্দ্ৰই ৬৪.৩৫ মিটাৰ আৰু সুন্দৰ সিঙে ৬৪.০১ মিটাৰ দূৰত এটা জেভলিন থ্ৰো পদক নিশ্চিত কৰিছে।

টকিঅ' পেৰালিম্পিকত ভাৰতৰ বাবে সোমবাৰ সৰ্বশ্ৰেষ্ঠ দিন। ভাৰতে আজি চাৰিটা পদক জিকি মুঠ পদকৰ সংখ্যা সাতলৈ বৃদ্ধি কৰিছে। পেৰালিম্পিক গেমছত দেৱেন্দ্ৰ ঝাঝাৰিয়াৰ এইটো তৃতীয় পদক। ঝাঝাৰিয়াই আগতে এথেন্স অলিম্পিক ২০০৪ আৰু ৰিঅ' অলিম্পিক ২০১৬ ত সোণৰ পদক জিকিছিল।

যোগেশ কাথুনিয়াই ৰূপৰ পদক জিকি ইতিহাস সৃষ্টি কৰে
ভাৰতৰ যোগেশ কাথুনিয়াই পেৰালিম্পিক গেমছত পুৰুষৰ হুইল থ্ৰো ইভেণ্টৰ এফ ৫৬ শ্ৰেণীত ৰূপৰ পদক অৰ্জন কৰে আৰু ছিজনৰ সৰ্বশ্ৰেষ্ঠ প্ৰদৰ্শন আগবঢ়ায়। আঠ বছৰ বয়সত পক্ষাঘাতগ্ৰস্ত হোৱা যোগেশে তেওঁৰ ষষ্ঠ আৰু অন্তিম প্ৰচেষ্টাত 44.38 মিটাৰ চকা দলিয়াই দ্বিতীয় স্থান লাভ কৰে। যোগেশ হৈছে পেৰালিম্পিক খেলত ডিচকাছ থ্ৰোত ৰূপ জয় কৰা প্ৰথম ভাৰতীয় খেলুৱৈ।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।