• Home
  • »
  • News
  • »
  • world
  • »
  • নিউজীলেণ্ডৰ পৰাজয়ৰ পিছত ICCক লক্ষ্য, ইংলেণ্ডৰ জয়ত ক্ৰিকেট তাৰকা আৰু অনুৰাগীয়ে উঠালে প্ৰশ্ন

নিউজীলেণ্ডৰ পৰাজয়ৰ পিছত ICCক লক্ষ্য, ইংলেণ্ডৰ জয়ত ক্ৰিকেট তাৰকা আৰু অনুৰাগীয়ে উঠালে প্ৰশ্ন

আইচিচি ক্ৰিকেট ৱৰ্ল্ড কাপ ২০১৯ৰ ফাইনেলত ইংলেণ্ডে হৰুৱালে নিউজীলেণ্ডক। প্ৰথমবাৰৰ বাবে ৱৰ্ল্ড কাপৰ খিতাপ অৰ্জন কৰিবলৈ সক্ষম হয় ইংলেণ্ডে।

আইচিচি ক্ৰিকেট ৱৰ্ল্ড কাপ ২০১৯ৰ ফাইনেলত ইংলেণ্ডে হৰুৱালে নিউজীলেণ্ডক। প্ৰথমবাৰৰ বাবে ৱৰ্ল্ড কাপৰ খিতাপ অৰ্জন কৰিবলৈ সক্ষম হয় ইংলেণ্ডে।

আইচিচি ক্ৰিকেট ৱৰ্ল্ড কাপ ২০১৯ৰ ফাইনেলত ইংলেণ্ডে হৰুৱালে নিউজীলেণ্ডক। প্ৰথমবাৰৰ বাবে ৱৰ্ল্ড কাপৰ খিতাপ অৰ্জন কৰিবলৈ সক্ষম হয় ইংলেণ্ডে।

  • Share this:
আইচিচি ক্ৰিকেট ৱৰ্ল্ড কাপ ২০১৯ৰ শ্বাসৰুদ্ধকৰ খিতাপ অৰ্জনৰ যুঁজত ইংলেণ্ডে হৰুৱালে নিউজীলেণ্ডক। ইংলেণ্ড আৰু নিউজীলেণ্ডৰ মাজত লৰ্ডছ খেলপথাৰত অনুষ্ঠিত হোৱা ফাইনেল খেলখন ছুপাৰ অভাৰত সমাপ্ত হয় যদিও আইচিচিৰ নিয়ামনুসৰি অধিক বাউণ্ডেৰী লগোৱা বাবে ইংলেণ্ডক জয়ী ঘোষণা কৰিলে। আইচিচিৰ এই নিয়মৰ বাবে এতিয়া সেই নিয়মৰ ওপৰত প্ৰশ্ন উত্থাপন হৈছে। বিখ্যাত–বিখ্যাত ক্ৰিকেট তাৰকাই ইংলেণ্ডৰ জয়ত প্ৰশ্ন উত্থাপন কৰিছে।

গৌতম গম্ভীৰে টুইট কৰি আইচিচিক সুধিলে যে মই বুজি পোৱা নাই যে এইধৰণৰ খেলত অধিক বাউণ্ডেৰী কোবোৱা দলক কেনেকৈ জয়ী ঘোষণা কৰা হয়। এই খেলখন টাই হ’ব লাগিছিল। মই নিউজীলেণ্ড আৰু ইংলেণ্ডক ৰোমাঞ্চকৰ ফাইনেলৰ বাবে শুভেচ্ছা জ্ঞাপন কৰিছো। দুয়োটো দলে জয়ী হৈছে।



নিউজীলেণ্ডৰ প্ৰাক্তন অলৰাউণ্ডাৰ স্কট ষ্টাইৰিছেও ICCৰ বিৰুদ্ধে লিখে যে, ‘বহুত ভাল আইচিচি।’



হিন্দী কমেণ্টৰী কৰা প্ৰাক্তন ভাৰতীয় ক্ৰিকেটাৰ আকাশ চোপ্ৰাই লিখিলে যে ধাৰাবাহিকভাৱে ২খন ফাইনেল মেচ হেৰুৱালে, দ্বিতীয়খন ফাইনেল কম বাউণ্ডেৰী কোবোৱা বাবে হেৰুৱালে। নিউজীলেণ্ডৰ সৈতে সহানুভূতি নথকাটো অসম্ভৱ। এই দলটোৱে মন জয় কৰিছে।











মেচৰ সংক্ষিপ্ত বিবৰণ
অৱেশষত ৪৪ বছৰৰ পিছত সম্পূৰ্ণ হ’ল ইংলেণ্ড দলটোৰ বিশ্ব বিজেতা হোৱাৰ সপোন। ইংলেণ্ডে আইচিচি বিশ্বকাপ ২০১৯ৰ ফাইনেলত নিউজীলেণ্ডক ছুপাৰ অভাৰত হৰুৱাই প্ৰথমবাৰৰ বাবে বিশ্ব বিজেতাৰ খিতাপ দখল কৰিলে। ইংলেণ্ডে জয়ী হ’বলৈ নিউজীলেণ্ডে ২৪২ ৰানৰ লক্ষ্য বান্ধি দিছিল কিন্তু বেন ষ্টোকছৰ নট আউট ৮৪ ৰান আৰু যোশ বটলৰৰ ৫৯ ৰানৰ ইনিংছৰ পিছতো ইংলেণ্ড ৫০ অভাৰত ২৪১ ৰান কৰি অল আউট হৈছিল আৰু দুয়োটা দলৰ স্কোৰ টাই হৈছিল।



মেচখন খেলা হ’ল ছুপাৰ অভাৰেৰে। ৱৰ্ল্ড কাপৰ ইতিহাসত প্ৰথমবাৰলৈ এই ঘটনা সংঘটিত হৈছে য’ত বিজয়ীক ছুপাৰ অভাৰত নিৰ্বাচিত কৰা হ’ল। ইংলেণ্ডে ছুপাৰ অভাৰত সংগ্ৰহ কৰিলে ১৫ ৰান আৰু কিৱি টীমক ১৬ ৰানৰ লক্ষ্য বান্ধি দিয়ে। ছুপাৰ অভাৰত নিউজীলেণ্ডৰ জয় দেখা গৈছিল। দলটোক শেষৰ বলটোত ২ৰানৰ প্ৰয়োজন হৈছিল কিন্তু ১ ৰানহে কৰিবলৈ সক্ষম হ’ল আৰু স্কোৰ দুয়োটা দলৰে সমান হ’ল। যাৰ বাবে ইংলেণ্ডে মেচখনত নিউজীলেণ্ডতকৈ অধিক বাউণ্ডেৰী কোবোৱা বাবে জয়ৰ হাঁহি মাৰিবলৈ সক্ষম হয়।
First published: