ICC Cricket World Cup 2019 ত পুনৰ খেলপথাৰত দেখা যাব শচীনক !
ষ্টাৰ স্পৰ্টচৰ কমেণ্টী পেনেলত আছে শচীন টেণ্ডুলকাৰৰ নাম। প্ৰাক্তন অধিনায়ক সৌৰভ গাংগুলী, বিৰেন্দ্ৰ সেহৱাগ, হৰৱজন সিঙেও বিশ্বকাপ ২০১৯ ত কৰিব কমেণ্টী।
news18assam
Updated:May 30, 2019, 11:30 AM IST
ষ্টাৰ স্পৰ্টচৰ কমেণ্টী পেনেলত আছে শচীন টেণ্ডুলকাৰৰ নাম। প্ৰাক্তন অধিনায়ক সৌৰভ গাংগুলী, বিৰেন্দ্ৰ সেহৱাগ, হৰৱজন সিঙেও বিশ্বকাপ ২০১৯ ত কৰিব কমেণ্টী।
news18assam
Updated: May 30, 2019, 11:30 AM IST
আজিৰ পৰা আৰম্ভ হ’ব বিশ্বকাপ ক্ৰিকেট প্ৰতিযোগিতা। বিশ্বকাপ ২০১৯ ৰ প্ৰথম মেচত আজি মুখামুখি হ’ব ইংলেণ্ড আৰু দক্ষিণ আফ্ৰিকা ।
এইবাৰ বিশ্বকাপ ক্ৰিকেট প্ৰতিযোগিতা ভাৰতৰ ক্ৰিকেট অনুৰাগীৰ বাবে অত্যন্ত গুৰুত্বপূৰ্ণ বিবেচিত হৈছে। তথ্য অনুসৰি এইবাৰ বিশ্বকাপতে প্ৰথমবাৰৰ বাবে ভাৰতীয় ক্ৰিকেটৰ ভগৱান শচীন টেণ্ডুলকাৰে আৰম্ভ কৰিব অন্য এক ইনিংছ !
খবৰ অনুসৰি শচীন টেণ্ডুলকাৰক আজি দক্ষিণ আফ্ৰিকা আৰু ইংলেণ্ডৰ বিৰুদ্ধে হ’বলগীয়া বিশ্বকাপৰ প্ৰথমখন মেচত কমেণ্টী কৰা দেখা যাব। ষ্টাৰ স্পৰ্টচৰ কমেন্টী পেনেলত নাম থকা শচীন ইতিমধ্যে উপস্থিত হৈছে লণ্ডনত।
বিশ্বকাপত সৰ্বাধিক ৰাণ কৰাৰ অভিলেখ আছে শচীনৰ নামত। শচীনে বিশ্বকাপত মুঠ ২,২৭৮ ৰাণ সংগ্ৰহ কৰিছিল। বিশ্বকাপত শচীনৰ নামত আছে মুঠ ১৫ টা অৰ্ধশতক আৰু ৬ টা শতক। ২০০৩ চনৰ বিশ্বকাপত শচীনে ১১ খন মেচত ভাগলৈ ৬৭৩ ৰাণ সংগ্ৰহ কৰি সৃষ্টি কৰিছিল অভিলেখ।
এইবাৰ বিশ্বকাপত শচীনৰ উপৰিও ভাৰতীয় ক্ৰিকেটৰ বহুকেইগৰাকী বিশিষ্ট খেলুৱৈক কমেণ্টী কৰা দেখিবলৈ পোৱা যাব। বিশ্বকাপ ২০১৯ ৰ কমেণ্টী পেনেলত আছে সৌৰভ গাংগুলী, বীৰেন্দ্ৰ সেহৱাগ, হৰবজন সিং, ভিভিএচ লক্ষ্মণৰৰ দৰে ভাৰতীয় খেলুৱৈৰ নাম।
