Corona Virus: কোৰোণা সংকটৰ সময়ছোৱাত ভাৰতক সহায় আগবঢ়োৱাৰ প্ৰতিশ্ৰুতি আমেৰিকাৰ ৰাষ্ট্ৰপতি জো বাইডেনৰ

আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেন (Joe Biden) আৰু উপ ৰাষ্ট্ৰপতি কমলা হেৰিছে (Kamala Harris) কোভিডৰ দ্বিতীয় লহৰৰ মাজত ভাৰতক সহায়ৰ আশ্বাস দিছে। আমেৰিকাৰ শীৰ্ষ নেতৃত্বই টুইট কৰিছিল যে আমেৰিকাই স্বাস্থ্য সুবিধা যোগান ধৰিব যি কোৰোণা ভাইৰাছ সংকটৰ মোকাবিলা কৰাত সহায় কৰে। "যিদৰে ভাৰতে প্ৰয়োজনৰ সময়ত আমেৰিকা যুক্তৰাষ্ট্ৰক সহায় কৰিছিল, আমি প্ৰয়োজনৰ সময়ত ভাৰতক সহায় কৰিবলৈ সংকল্পবদ্ধ," বাইডেনে এক টুইটযোগে কয়।

আমেৰিকা যুক্তৰাষ্ট্ৰৰ ৰাষ্ট্ৰপতিৰ অফিচিয়েল টুইটাৰ হেণ্ডেলৰ পৰা আমেৰিকা যুক্তৰাষ্ট্ৰৰ এনএছএৰ টুইটৰ প্ৰতিক্ৰিয়া ব্যক্ত কৰি কোৱা হৈছে, "মহামাৰীৰ প্ৰাৰম্ভিক পৰ্যায়ত ভাৰতে আমাৰ চিকিৎসালয়সমূহক চাপৰ সময়ত যিদৰে সহায় কৰিছিল। ঠিক সেইদৰে প্ৰয়োজনৰ সময়ত আমিও ভাৰতক সহায় কৰিবলৈ দৃঢ় সংকল্পৱদ্ধ।

আমেৰিকাৰ উপ–ৰাষ্ট্ৰপতি কমলা হেৰিছেও এই সন্দৰ্ভত টুইট কৰিছিল। 'সহায় কৰাৰ একে সময়তে, আমি ভাৰতৰ নাগৰিক আৰু সাহসী স্বাস্থ্য কৰ্মীসকলৰ বাবেও প্ৰাৰ্থনা কৰোঁ,' হেৰিছে লিখিছিল। ভাৰতত কোৰোণা মহামাৰীৰ দ্বিতীয় লহৰৰ পিছত এয়া আমেৰিকা যুক্তৰাষ্ট্ৰৰ শীৰ্ষ নেতৃত্বৰ এইটো প্ৰথম প্ৰতিক্ৰিয়া। উপ–বৈদেশিক মন্ত্ৰী ৱেণ্ডি শৰ্মনে কৈছিল যে তেওঁ এই বিষয়টোত সাম্প্ৰতিক সময়ত বৈদেশিক সচিব হৰ্ষ বৰ্ধন শ্ৰীংলা আৰু আমেৰিকা যুক্তৰাষ্ট্ৰত ভাৰতৰ ৰাষ্ট্ৰদূত তৰণজিৎ সিং সান্ধুৰ সৈতে যোগাযোগ কৰি আছে।

ইয়াৰ পূৰ্বে দেওবাৰে হোৱাইট হাউছে কয় যে আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেনৰ নেতৃত্বত আমেৰিকা যুক্তৰাষ্ট্ৰৰ প্ৰশাসনে কোভিড-১৯ মহামাৰীৰ বিৰুদ্ধে যুঁজত ভাৰতক জৰুৰীকালীন সহায় আগবঢ়োৱাৰ লগতে ক’ভিশ্বিল্ড ভেকচিন (Covishield Vaccine)ৰ ভাৰতীয় নিৰ্মাতাক তাৎক্ষণিক কেঁচা সামগ্ৰী প্ৰদান কৰাৰ বাবে দিন-ৰাতি কাম কৰি আছে।

আমেৰিকা যুক্তৰাষ্ট্ৰৰ ৰাষ্ট্ৰীয় নিৰাপত্তা উপদেষ্টা জেক ছুলিভান আৰু তেওঁৰ ভাৰতীয় সমকক্ষ অজিত ডোভালৰ মাজত হোৱা ফোন কলৰ পিছত এই সিদ্ধান্ত লোৱা হৈছিল।
দুয়োজন ৰাষ্ট্ৰীয় নিৰাপত্তা উপদেষ্টাৰ মাজত হোৱাইট হাউছৰ ৰাষ্ট্ৰীয় সুৰক্ষা পৰিষদৰ মুখপাত্ৰ এমিলিয়ে কয় যে যেতিয়া আমাৰ চিকিৎসালয়সমূহে মহামাৰীৰ প্ৰাৰম্ভিক পৰ্যায়ৰ সৈতে যুঁজি আছিল তেতিয়া ভাৰতে আমেৰিকালৈ যিধৰণে সাহায্য প্ৰেৰণ কৰিছিল। আমেৰিকা যুক্তৰাষ্ট্ৰয়ো এই প্ৰয়োজনৰ সময়ত ভাৰতক সহায় কৰিবলৈ প্ৰতিশ্ৰুতিবদ্ধ। একেদৰে, ভাৰতে আমেৰিকা যুক্তৰাষ্ট্ৰক ক’ভিশ্বিল্ড ভেকছিন উৎপাদনৰ বাবে কেঁচা সামগ্ৰী যোগান ধৰিবলৈ অনুৰোধ জনাইছিল।

হৰ্ষ বৰ্ধনে কয় যে ভাৰতৰ ফ্ৰণ্টলাইন কৰ্মচাৰী আৰু কোভিড-১৯ ৰোগীসকলৰ সহায়ৰ প্ৰতি লক্ষ্য ৰাখি, আমেৰিকাই ভাৰতক পৰীক্ষামূলক কিট, ভেণ্টিলেটৰ আৰু পিপিই কিটৰ বাহিৰে আন সঁজুলি প্ৰদান কৰাৰ সিদ্ধান্ত লৈছে।