অন্য মহিলাৰ সৈতে পৰকীয়া প্ৰেম! খঙৰ ভমকৰ পত্নীয়ে সঁজাত ভৰাই নৈত উটুৱাই দিলে স্বামীক

আচৰিত শাস্তি! অন্য মহিলাৰ সৈতে গোপন সম্পৰ্ক ৰক্ষা কৰা স্বামীক সঁজাত ভৰাই নৈত উটুৱাই দিলে পত্নীয়ে। পত্নীয়ে বহুদিনৰ পৰাই স্বামীৰ পৰকীয়া প্ৰেমৰ কথা জানিছিল যদিও অপেক্ষা কৰি আছিল প্ৰমাণ পোৱালৈ। আৰু অৱশেষত প্ৰেমিকাৰ সৈতে মধুৰ সম্পৰ্ক কটাই থকাৰ সময়তে পত্নীয়ে হাতত ধৰা পৰে স্বামী। আৰু সেই ঠাইতে বেয়াকৈ প্ৰহাৰ কৰে স্বামীক। ঘটনাটো সংঘটিত হৈছে চীনৰ মিয়ামিং প্ৰদেশত।

ইমানতে সন্তুষ্ট নহৈ মহিলাগৰাকীয়ে নিজৰ স্বামীক ধৰি বান্ধি এটা সঁজাত বন্দী কৰি উটুৱাই দিয়ে নৈত। মহিলাগৰাকীক সহায় কৰে অন্য চাৰিজন লোকে। আৰু সমগ্ৰ দৃশ্য কেমেৰাত আবদ্ধ কৰি আপলোড কৰে ছচিয়েল মিডিয়াত। এই ঘটনাৰ ভিডিঅ’ ফুটেজ চাই ইতিমধ্যে আৰক্ষীয়ে লোকজনৰ পত্নীসহ চাৰি জন লোকক গ্ৰেপ্তাৰ কৰিছে।

ইফালে নৈত উটুৱাই দিয়া স্বামীৰ সৌভাগ্যক্ৰমে প্ৰাণ ৰক্ষা পৰে। এগৰাকী লোকে নৈৰ পৰা উদ্ধাৰ কৰে লোকজনক। বৰ্তমান চিকিত্‍সাধীন হৈ আছে লোকজন। এই ঘটনাই এতিয়া সৰ্বত্ৰ প্ৰতিক্ৰিয়াৰ সৃষ্টি কৰিছে।