টাইৱান আকাশসীমাত প্ৰৱেশ চীনা বিমানৰ, ড্ৰেগনে ইয়াৰ প্ৰকৃত ৰং দেখাব নেকি

টাইৱানৰ প্ৰতিৰক্ষা মন্ত্ৰালয়ে জনাই যে শুকুৰবাৰে চীনা যুঁজাৰু বিমান আৰু যুদ্ধ জাহাজে টাইৱান প্ৰণালীৰ ‘‘মধ্যৰেখা’’ অতিক্ৰম কৰিছিল। চীনৰ এই কাৰ্যক টাইৱানৰ প্ৰতিৰক্ষা মন্ত্ৰালয়ে অত্যন্ত উত্তেজনামূলক বুলি অভিহিত কৰিছে।

মন কৰিবলগীয়া কথা যে আমেৰিকা যুক্তৰাষ্ট্ৰৰ প্ৰতিনিধি সভাৰ অধ্যক্ষ নেন্সি পেলোছীৰ টাইৱান ভ্ৰমণৰ পিছৰে পৰা ক্ষোভিত হৈ থকা চীনে টাইৱান উপসাগৰত এক ডাঙৰ সামৰিক অনুশীলন আৰম্ভ কৰিছে।

তেতিয়াৰে পৰা ইয়াৰ সামৰিক বাহিনীয়েও কেইবাটাও মিছাইল নিক্ষেপ কৰাৰ উপৰি প্ৰায় টাইৱান সীমান্ত ঘেৰি ধৰিছে।

এএফপি সংবাদ সংস্থাৰ প্ৰতিবেদন অনুসৰি, ইয়াৰ পাঁচটা মিচাইল জাপানৰ একচেটিয়া অৰ্থনৈতিক ক্ষেত্ৰত (Exclusive Economic Zone-EEZ) নিক্ষেপ কৰিছে। EEZ হৈছে সাগৰীয় আইনৰ ওপৰত ৰাষ্ট্ৰসংঘৰ সন্মিলনৰ দ্বাৰা নিৰ্ধাৰিত এক বিশেষ আৰ্থিক ক্ষেত্ৰ, যাৰ ওপৰত এখন দেশৰ কিছুমান অধিকাৰ থাকে।

জাপানৰ প্ৰধানমন্ত্ৰী ফুমিয়ো কিশিদায়ে এই সন্দৰ্ভত কয় যে এইটো এক গুৰুত্বপূৰ্ণ সমস্যা যিয়ে জাপানৰ ৰাষ্ট্ৰীয় সুৰক্ষা আৰু নাগৰিক সুৰক্ষাক প্ৰভাৱিত কৰে।

ইয়াৰ উপৰি, এছিয়া ভ্ৰমণৰ শেষ পৰ্যায়ত নেন্সি পেলোছীয়ে এই সন্দৰ্ভত জাপানৰ প্ৰধানমন্ত্ৰী ফুমিয়ো কিশিদাক সাক্ষাত্‍ কৰে, য’৸ত জাপানৰ প্ৰধানমন্ত্ৰী কিশিদাই কয় যে টাইৱান প্ৰণালীত শান্তি আৰু স্থিৰতা বজাই ৰখাৰ বাবে দুয়ো মিত্ৰশক্তিয়ে একেলগে কাম কৰিব।
পেলোচীয়ে কৈছিল যে আমেৰিকাই টাইৱানক বিচ্ছিন্ন কৰাৰ চীনৰ প্ৰয়াস সফল হ’৸বলৈ নিদিব। পেলোচীয়ে কৈছিল যে যদিও তেওঁলোকে টাইৱানক আন ঠাইলৈ যোৱা বা অংশগ্ৰহণ কৰাত বাধা দিবলৈ চেষ্টা কৰিব পাৰে, তেওঁলোকে আমাক তাত ভ্ৰমণ কৰাত বাধা দি টাইৱানক পৃথক কৰিব নোৱাৰিব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।