Coronaৰ পিছত এইবাৰ মানুহৰ দেহত Bird flu ! চীনত Bird flu H10N3 Strainৰ দ্বাৰা প্ৰথমগৰাকী লোক আক্ৰান্তৰ ঘটনা...

চীনৰ পূব প্ৰান্তৰ জিয়াংচুত মানৱ বাৰ্ড ফ্লু এইচ10এন3 প্ৰকাৰৰ (Bird flu H10N3 Strain) দ্বাৰা সংক্ৰমিত হোৱাৰ প্ৰথম ঘটনা পোহৰলৈ আহিছে। চীনৰ ৰাষ্ট্ৰীয় স্বাস্থ্য আয়োগে মঙলবাৰে এই কথা প্ৰকাশ কৰিছে।

চৰকাৰী চিজিএনটি টিভিয়ে জনাইছে যে জিনজিয়াং চহৰৰ ৪১ বছৰীয়া ৰোগীজনৰ অৱস্থা স্থিৰ আৰু তেওঁক চিকিৎসালয়ৰ পৰা অব্যাহতি দিয়া হ'ব পাৰে। ঝেজিয়াঙৰ লোকজনৰ জ্বৰ আৰু অন্যান্য লক্ষণ হোৱাৰ পিছত ২৮ এপ্ৰিলত চিকিৎসালয়ত ভৰ্তি কৰোৱা হৈছিল। মানুহজন ২৮ মে'ত এইচ10এন3 এভিয়ান ইনফ্লুৱেঞ্জা ভাইৰাছৰ দ্বাৰা সংক্ৰমিত হোৱা দেখা গৈছিল, যদিও মানুহজন কেনেদৰে ভাইৰাছৰ দ্বাৰা সংক্ৰমিত হৈছিল সেই বিষয়ে তেওঁ কোনো তথ্য দিয়া নাছিল।

স্বাস্থ্য কৰ্তৃপক্ষই সংক্ৰমণটোক বিশেষ গুৰুত্ব নিদি কয় যে এইটো কুকুৰাৰ পৰা মানুহলৈ ভাইৰাছ বিয়পাৰ এক ঘটনা আৰু ইয়াৰ মহামাৰী বিয়পাৰ আশংকা কম। ৰাষ্ট্ৰীয় স্বাস্থ্য আয়োগে এক বিবৃতিত কৈছিল যে ৰোগীজনক ২৮ মে'ত এইচ ১০এন৩ ভাইৰাছৰ দ্বাৰা সংক্ৰমিত অৱস্থাত পোৱা গৈছিল। আয়োগে কোৱা নাছিল যে ব্যক্তিজন কেনেকৈ সংক্ৰমিত হৈছিল। লগতে বৰ্ণনা কৰিছিল যে আগতে পৃথিৱীৰ কোনো ঠাইত মানুহৰ ক্ষেত্ৰত এইচ ১০এন৩ সংক্ৰমণৰ ঘটনা হোৱা নাই।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।