উবাৰ চালকৰ আচৰণক লৈ আতংকিত অভিনেত্ৰী ছোনম কাপুৰ! টুইটাৰত বৰ্ণনা কৰিলে অভিজ্ঞতা

অভিনেত্ৰী ছোনম কাপুৰৰ সৈতে লণ্ডনত কেব ড্ৰাইভাৰে এনেকুৱা কাণ্ড কৰিলে যে তেওঁ অতি আতংকিত হৈ পৰিল। টুইটাৰত নিজৰ ভয়ংকৰ অভিজ্ঞতাৰ কথা প্ৰকাশ কৰিলে অভিনেত্ৰীগৰাকীয়ে। নিজৰ স্বামী আনন্দ আহুজাৰ সৈতে ভেকেশ্যনত যোৱা ছোনম কাপুৰে বিভিন্ন ফটো আদি ছচিয়েল মিডিয়াত আপলোড কৰি থাকে। শেহতীয়াকৈ অভিনেত্ৰীগৰাকীয়ে টুইটাৰত প্ৰকাশ কৰা এক বিশেষ অভিজ্ঞতা চৰ্চাৰ কেন্দ্ৰবিন্দু হৈ পৰিছে। এই অভিজ্ঞতা সুখকৰ নহয়। অভিনেত্ৰীগৰাকীয়ে এই অভিজ্ঞতা প্ৰকাশ কৰি সকলোকে সাৱধান হৈ থকাৰ আহ্বান জনায়।

Hey guys I’ve had the scariest experience with @Uber london. Please please be careful. The best and safest is just to use the local public transportation or cabs. I’m super shaken.

— Sonam K Ahuja (@sonamakapoor) January 15, 2020

টুইটাৰত তেওঁ লিখিছে–মই লণ্ডনত উবাৰ কেবত সকলোতকৈ ভয়ংকৰ অভিজ্ঞতা অনুভৱ কৰিলো। অনুগ্ৰহ কৰি সতৰ্ক হৈ থাকক। সকলোতকৈ সুৰক্ষিত হৈছে পাব্লিক কেব আৰু ট্ৰান্সপোৰ্টৰ ব্যৱহাৰ কৰা। মই একেবাৰে কঁপি গৈছো।

তেওঁৰ ফ’ল’ৱাৰে অভিজ্ঞতাৰ বিষয়ে জানিব বিচাৰে। এগৰাকী মহিলাই কমেণ্ট বক্সত ছোনম কাপুৰক সোধে যে কি হৈছে তেওঁ জানিব খোজে কাৰণ তেওঁ লণ্ডনত থাকে আৰু তেওঁ ইয়াৰ দ্বাৰা উপকৃত হ’ব। ছোনমে তেওঁক উত্তৰ দিয়ে যে, ড্ৰাইভাৰ স্থিৰ হৈ থকা নাছিল, মোৰ ওপৰত বেয়াকৈ চিঞৰ বাখৰ কৰিছিল। মই ভিতৰলৈকে আতংকিত।

The driver was unstable and was yelling and shouting. I was shaking by the end of it.

— Sonam K Ahuja (@sonamakapoor) January 15, 2020

উল্লেখযোগ্য যে শেহতীয়াকৈ ব্ৰিটিশ এয়াৰৱেজত লাভ কৰা বেয়া অভিজ্ঞতা ছোনমে প্ৰকাশ কৰিছিল আৰু টুইটাৰত এয়াৰৱেজক চোকা সমালোচনা কৰিছিল। কেতিয়াও জীৱনত ব্ৰিটিশ এয়াৰৱেজেৰে যাত্ৰা নকৰাৰ ঘোষণা কৰাৰ পিছত এয়াৰৱেজে তেওঁক ক্ষমা খুজিছিল।