সুৰা সেৱন নকৰাকৈয়ে নিচাত থাকে এগৰাকী মহিলা! বাৰে বাৰে চিকিৎসকৰ কাষ চাপিও পোৱা নাই সুফল! পিছে কি এই ৰোগ?

এক আচৰিত ঘটনা! সুৰা সেৱন নকৰাকৈ কোনোবা মাতাল হ'ব পাৰে জানো? কিন্তু তেনেকৈয়ো হ'ব পাৰে মাতাল। এনে এক ৰোগৰ বাবেই শিৰোনাম দখল কৰিছে আমেৰিকাৰ এগৰাকী মহিলাই। যাৰবাবে মহিলাগৰাকী সুৰাসক্ত হৈ পৰাৰ লগতে স্থায়ী যকৃত সংৰোপণৰ প্ৰয়োজন হৈ পৰিছে। সাৰা লেফেব্ৰা (৩৮) নামৰ মহিলাগৰাকীয়ে সুৰা সেৱন নকৰে যদিও চিকিৎসকে তেওঁক সুৰা সেৱন নকৰিবলৈ বাৰম্বাৰ নিৰ্দেশ দিয়ে।

চিকিৎসকে সুৰা সেৱনৰ পৰিমাণ জোখা যন্ত্ৰৰে জুখি চাওতে তেওঁৰ দেহত ছবাৰ অত্যাধিক মাত্ৰাত সুৰা সেৱন কৰা প্ৰমাণ পায়। পিছে কি এই ৰোগ?

যদিহে আপোনাৰ দেহত আপোনা-আপুনি সুৰা প্ৰস্তুত হোৱা লক্ষণে (auto brewery) দেখা দিয়ে, এনেবোৰ লক্ষণে দেখা দিয়ে। এই ৰোগটোৰ বাবে মহিলাগৰাকীৰ জীৱনত বিৰূপ প্ৰভাৱ পৰিছে। 

এই ৰোগৰ বাবে পেটত জমা হোৱা সুৰাই শৰীৰত অত্যাধিক পৰিমাণৰ ইথানল উৎপাদন কৰে। যিসমূহ তেজত চলাচল হৈ ব্যক্তিক সুৰাৰ ৰাগীয়ে মাতাল কৰি তোলে। লগে লগে এজন সুৰা সেৱনকাৰী ব্যক্তিৰ দৰে আচৰণ কৰিবলৈ লয় ৰোগীয়ে।

প্ৰথম অৱস্থাত মহিলা গৰাকীৰ কিয় এনে হৈছে ভাবি সকলো হতবাক হৈ পৰিছিল। কিন্তু পৰৱৰ্তী পৰ্যায়তহে প্ৰকৃত কাৰণ ধৰা পৰে। চিকিৎসকে ভালদৰে ইয়াৰ কাৰণ পৰীক্ষা-নিৰীক্ষা কৰে। আৰু ইয়াক শেষ কৰিবলৈ হ'লে যকৃত সংৰোপন কৰিব লাগিব বুলি জনায়। অৱশ্যে বহুতো চিকিৎসকে মহিলাগৰাকীৰ দেহত এই ৰোগ হোৱা নাই বুলি ভাবে।

মহিলাগৰাকীয়ে এই সন্দৰ্ভত কয় যে, যদি নতুন ঔষধে কাম নকৰে, তেন্তে মই মৰি থাকিম।
দুখন চিকিৎসালয়ে মোৰ নাম যকৃত সংৰোপন তালিকাৰ পৰা কৰ্তন কৰিছে। লগতে সুৰা সেৱন নকৰিবলৈ নিৰ্দেশ দিয়ে।

মহিলাগৰাকীৰ ২৩ বছৰ বয়সত বন্ধুৰ সৈতে এবাৰ পাৰ্টীত সুৰা সেৱন কৰি আহোতে তেওঁৰ অৱস্থা স্বাভাৱিক আছিল বুলি জনাইছিল বন্ধুৱে। কিন্তু সুৰাসক্ত মানুহে কৰা আচৰণ কৰে তাৰ পিছতেই। পৰৱৰ্তী সময়ত চিকিৎসকৰ ওচৰলৈ নিয়াৰ পিছতেই মধুমেহ ৰোগ জাতীয় চিকিৎসা কৰা হয়।