বয়ফ্ৰেণ্ডৰ সৈতে ‘চুটি কাপোৰ’ পৰিধান কৰি ৰেষ্টুৰেণ্টলৈ গৈছিল মহিলা, ৱেটাৰে কৰিলে বহিষ্কাৰ

বয়ফ্ৰেণ্ডৰ সৈতে ৰেষ্টুৰেণ্টলৈ গৈছিল এগৰাকী মহিলা। কিন্তু মহিলাগৰাকীক হঠাত্‍ ৰেষ্টুৰেণ্টৰ পৰা বহিষ্কাৰ কৰি দিলে ৱেটাৰে। কাৰণ- মহিলাগৰাকীয়ে পৰিধান কৰিছিল
চুটি কাপোৰ!

ইটালীৰ মাৰ্টিনা কোৰেডী নামৰ এইমহিলাগৰাকীয়ে পিছত এই ঘটনাৰ সন্দৰ্ভত কৈছে যে,

অষ্ট্ৰেলিয়াৰ সেই ৰেষ্টুৰেণ্টখনত হোৱা ঘটনাই তেওঁক বহু লাজত পেলালে।

ডেলী ষ্টাৰৰ ৰিপৰ্ট অনুসৰি, মাৰ্টিনাই সেই ৰেষ্টুৰেণ্টখনলৈ এটা গ্ৰে’ কালাৰৰ টপ পৰিধান কৰি গৈছিল। নিজৰ বয়ফ্ৰেণ্ডৰ সৈতে তেওঁ যেতিয়া ৰেষ্টুৰেণ্টখনৰ ভিতৰলৈ সোমাই গ’ল, তেতিয়া এগৰাকী ষ্টাফ মেম্বাৰে তেওঁক সেইধৰণৰ ড্ৰেছ পৰিধান কৰি অহাৰ বাবে ৰেষ্টুৰেণ্টখনৰ
পৰা আঁতৰি যাবলৈ ক’লে। মাৰ্টিনাই এটা ফেচবুক পোষ্টত কৈছে যে, ‘এই ঘটনাই মোক বহুত লাজত পেলালে। সেইসময়ত খঙো উঠিছিল, কিন্তু কোনো মন্তব্য নকৰি সেই ঠাইৰ পৰা আঁতৰি আহিছিলো।’

মহিলাগৰাকীয়ে লগতে লিখিছে যে যেতিয়াই তেওঁ ৱেটাৰজনৰ ওচৰলৈ গৈছিল, তেতিয়া ৱেটাৰজনে মহিলাগৰাকীয়ে পৰিধান কৰা পোছাক সঠিক নহয় বুলি কোৱাৰ লগতে তেনে পোছাক পৰিধান কৰি ৰেষ্টুৰেণ্টলৈ অহাৰ অনুমতি নাই বুলি জনায়। পিছত মহিলাগৰাকীয়ে মেনেজাৰক এই বিষয়ে আপত্তি দিয়ে যদিও, মেনেজাৰগৰাকীয়ে ৱেটাৰগৰাকীকহে সমৰ্থন কৰে।

মহিলাগৰাকীৰ এই ফেচবুক পোষ্ট অত্যন্ত ভাইৰেল হৈছে। ৰেষ্টুৰেণ্টখনৰ পলিচী সম্পৰ্কে আলোচনা হোৱাও দেখা গৈছে।