প্ৰেমিকাক লগ পাবলৈ সাগৰেৰে যাত্ৰা, তাৰ পিছতে জে’ল হাজোতলৈ... – পঢ়ক এক দুৰ্দান্ত প্ৰেম কাহিনী

News18 Assam | News18-Assam
Updated:December 18, 2020, 9:03 AM IST
প্ৰেমিকাক লগ পাবলৈ সাগৰেৰে যাত্ৰা, তাৰ পিছতে জে’ল হাজোতলৈ... – পঢ়ক এক দুৰ্দান্ত প্ৰেম কাহিনী
প্ৰেমিকাক লগ পাবলৈ জীৱনটোকো তুচ্চজ্ঞান কৰি সাগৰেৰে যাত্ৰা কৰিছিল এজন আইৰিছ যুৱকে।

প্ৰেমিকাক লগ পাবলৈ জীৱনটোকো তুচ্চজ্ঞান কৰি সাগৰেৰে যাত্ৰা কৰিছিল এজন আইৰিছ যুৱকে।

  • Share this:
বছৰ হ’বৰ হ’ল। তথাপি পৃথক পৃথকৈ আছে দুয়ো দুয়োৰে পৰা। বিৰহৰ কাৰণ আন একো নহয়, কোৰোণা ভাইৰাছ। কিন্তু আৰু থাকিন নোাৰিলে। প্ৰেমিকাক লগ পাবলৈ জীৱনটোকো তুচ্চজ্ঞান কৰি সাগৰেৰে যাত্ৰা কৰিছিল এজন আইৰিছ যুৱকে। কিন্তু সেয়াও সম্ভৱ নহ’ল। স্কটলেণ্টৰ পৰা জেট স্কি কৰি আইৰিছ সাগৰ পাৰ হোৱাৰ পথতে আৰক্ষীৰ বাধা। কেৱল যে প্ৰেমিকাক লগ পোৱাৰ সুযোগ হেৰুৱালে তেনে নহয়, খাটিবলগীয়া হ’ল কাৰাবাসো। কোভিড–১৯ৰ সময়ত যি নিৰ্দেশনা জাৰি কৰা আছে, সেয়া উলংঘাৰ অপৰাধ যুৱকজনৰ বিৰুদ্ধে।

২৮ বছৰীয়া ডেল মেকলুগলানে কিন্তু পূৰ্বে কেতিয়াও পানীৰ ওপৰেৰে স্কুটাৰ চলোৱা নাছিল। তাৰ পিছতো প্ৰায় চাৰে চাৰি ঘণ্টাৰ জেট স্কি কৰি আইলৰ পৰা হুথৰনলৈ যাত্ৰা কৰিছিল। উদ্দেশ্য কেৱল প্ৰেমিকাক দেখা কৰা।

ইমানেই নহয়, সমুদ্ৰৰ পথ পাৰ হৈ ২৫ কিলোমিটাৰ পথ অতিক্ৰম কৰি ডেল উপস্থিত হৈছিল প্ৰেমিকাৰ ঘৰত। আৰক্ষীক নিজৰ ঘৰ বুলি প্ৰেমিকাৰ ঘৰৰ ঠিকনাই দিছিল ডেলে। কিন্তু পিছদিনা তেওঁ যে এই দ্বীপৰ বাসিন্দা নহয়, সেয়া জানিব পাৰি তাৰ পৰা তেওঁক গ্ৰেপ্তাৰ কৰে আৰক্ষীয়ে।

সোমবাৰে তেওঁৰ শাস্তি ঘোষণা কৰা হয়, চাৰি সপ্তাহৰ কাৰাবাস। সাধাৰণতে, বাহিৰৰ লোকসকলৰ বাবে এই দ্বীপ মাৰ্চৰ পৰা বন্ধ ৰখা হৈছে। কোভি় প্ৰটকল অনুসৰি, বাহিৰৰ মানুহ আহিলে ল’ব লাগিব অনুমতি। নিয়ম উলংঘা কৰিলে হ’ব পাৰে তিনি মাহৰ জে’ল বা ১০০০০ পাউণ্ড জৰিমনা।

প্ৰেমিকাক লগ নাপাই ডেল হতাশাত ভুগিছিল। দুই তিনিবাৰ চেষ্টা কৰিছিল অনুমতি লোৱাৰ, কিন্তু সেয়া খাৰিজ হয়। আৰু সেইবাবেই এই কাণ্ড কৰে যুৱকজনে।
Published by: Sanjay Kumar Das
First published: December 18, 2020, 9:03 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading