চাকৰি পাবলৈ 'APPLE'ৰ ছিস্টেম হেক ১৭বছৰীয়া কিশোৰৰ

News18-Assam
Updated:May 29, 2019, 4:34 PM IST
চাকৰি পাবলৈ 'APPLE'ৰ ছিস্টেম হেক ১৭বছৰীয়া কিশোৰৰ
অভিযুক্তৰ পক্ষত যুক্তি ৰখা উকীলে আদালতক ক’লে তেওঁৰ মক্কেলে নিজৰ কামৰ গম্ভীৰতাৰ বিষয়ে জ্ঞাত নহয়। 

অভিযুক্তৰ পক্ষত যুক্তি ৰখা উকীলে আদালতক ক’লে তেওঁৰ মক্কেলে নিজৰ কামৰ গম্ভীৰতাৰ বিষয়ে জ্ঞাত নহয়। 

  • Share this:
এজন ১৭বছৰীয়া স্কুলীয়া ছাত্ৰই চাকৰি পাবৰ কাৰণে এপল’ৰ অত্যন্ত সুৰক্ষিত ছিস্টেম হেক কৰাক লৈ চাঞ্চল্যৰ সৃষ্টি হৈছে। অষ্ট্ৰেলিয়াৰ এই কিশোৰজনে আশা কৰিছিল যে তেওঁৰ এই প্ৰতিভাই কোম্পানীটোক মন্ত্ৰমুগ্ধ কৰিব আৰু তেওঁক ততালিকে চাকৰি দি দিব। এবিচি ডট নেটৰ মতে, এডিলেইডৰ এইগৰাকী ছাত্ৰই নিজৰ অপৰাধ মানি লৈ মেলব’ৰ্ণৰ আন এজনৰ সৈতে মিলি এই দুষ্কাৰ্য সংঘটিত কৰাৰ স্বীকাৰোক্তি প্ৰদান কৰিছে। ২০১৫ চনৰ ডিচেম্বৰ আৰু ২০১৭চনৰ আৰম্ভনিতে দুয়োজন কিশোৰে এপল’ৰ মেনফ্ৰেম হেক কৰি ইণ্টাৰনেল ডকুমেণ্ট আৰু ডাটা ডাউনলোড কৰিছিল।

কিশোৰজনে স্বীকাৰ কৰে ভুৱা ডিজিটেল ক্ৰেডেনচিয়েল্স তৈয়াৰ কৰিবলৈ তথ্য উদ্যোগ ক্ষেত্ৰত নিজৰ উচ্চ স্তৰৰ ‘বিশেষ জ্ঞান’ৰ প্ৰয়োগ কৰে। ইয়াৰ ফলত এপল’ৰ চাৰ্ভাৰে তেওঁক কোম্পানীৰ এগৰাকী কৰ্মচাৰী জ্ঞান কৰে আৰু তথ্য প্ৰদান কৰে। এই কামৰ ৰিপ’ৰ্ট ফেডাৰেল ব্যুৰ’ অব ইনভেষ্টিগেশ্যনক প্ৰদান কৰা হয়। তেওঁলোকে অষ্ট্ৰেলিয়া আৰক্ষীৰ সহায়ত কিশোৰজনক ধৰা পেলায়।

এই অপৰাধৰ গোচৰ চলি থকা সময়ত নিজৰ মক্কেলৰ পক্ষ ৰাখিবলৈ অধিবক্তা মাৰ্ক টুইগচে আদালতক কয় যে ল’ৰাজনে নিজৰ কামৰ গম্ভীৰতা অনুধাৱন কৰিব নোৱাৰিলে। ল’ৰাজনে ধৰি লৈছিল যে কোম্পানীটোৱে এই কামত অভিভূত হৈ তেওঁক চাকৰি দিব। অধিবক্তাজনে কয়,
মোৰ মক্কেল ১৩ বছৰীয়া হৈ থাকোতে এই পৰিকল্পনা কৰিছিল, তেওঁ এই অপৰাধৰ গম্ভীৰ দিশৰ সৈতে অৱগত নাছিল আৰু আশা কৰিছিল যে এই কামৰ ফলত কোম্পানীয়ে বাহ বাহ দি তেওঁক চাকৰিত ৰাখি ল’ব।


অধিবক্তাজনে উল্লেখ কৰে যে এনেকুৱা অনুৰূপ ঘটনা ইউৰোপত সংঘটিত হওঁতে হেকাৰগৰাকীক এপল’ত চাকৰি প্ৰদান কৰা হৈছিল। তেওঁ লগতে কয় যে এই হেকিঙৰ ফলত এপল’ৰ কোনো আৰ্থিক অথবা বৌদ্ধিক লোকচান হোৱা নাই। কিশোৰজনে এডিলাইড কোৰ্টত নিজৰ অপৰাধ স্বীকাৰ কৰি আৰু বহুকেইটা কম্পিউটাৰ হেক কৰাৰ কথাও উল্লেখ কৰে।

এই অপৰাধৰ বাবে মেজিষ্ট্ৰেট ডেভিড হোৱাইটে অৱশ্যে কিশোৰজনক কোনো ধৰনৰ শাস্তি প্ৰদান নকৰাকৈ ৯মাহৰ বাবে ভাল আচৰণ প্ৰদৰ্শন কৰিবলৈ ৫০০ডলাৰ বণ্ডত ৰখাৰ আদেশ দিয়ে।
First published: May 29, 2019, 4:33 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading