Blast in Cricket Stadium : ঘৰুৱা টী২০ লীগৰ ক্ৰিকেট খেল চলি থাকোঁতে ষ্টেডিয়ামত ফুটিল গ্ৰেনেড, চাৰিগৰাকী দৰ্শক আহত

ক্ৰিকেট খেল চলি থকা অৱস্থাতে আফগানিস্তানৰ মূল ক্ৰিকেট ষ্টেডিয়ামত বিস্ফোৰণ হয় গ্ৰেনেডৰ। দেশখনৰ এখন ঘৰুৱা লীগৰ খেলৰ সময়ত হোৱা গ্ৰেনেড বিস্ফোৰণত চাৰিজন দৰ্শক আহত হয়।

কাবুল আন্তঃৰাষ্ট্ৰীয় ক্ৰিকেট ষ্টেডিয়ামত অনুষ্ঠিত দেশৰ ঘৰুৱা টি-২০ লীগত পামিৰ জালমী আৰু বেণ্ড-ই-আমিৰ ড্ৰেগনছৰ মাজত অনুষ্ঠিত হৈছিল খেলখন।

আফগানিস্তানত সাপ্তাহিক বন্ধৰ দিন শুকুৰবাৰে অনুষ্ঠিত খেলখনত শতাধিক লোক উপস্থিত আছিল। বিস্ফোৰণত খেলুৱৈ, কৰ্মচাৰী আৰু বিদেশী সকলো খেলুৱৈ নিৰাপদ বুলি প্ৰকাশ কৰা হৈছে। খেলখনত বিশ্বকাপৰ নায়ক শপুৰ জাদৰানে, মহম্মদুল্লাহ নাজিবুল্লা, দৌলত জাদৰান, আফতাব আলমৰ দৰে খেলুৱৈসকলো উপস্থিত আছিল।

Footage : There have been casualties in the blast at the Kabul international cricket stadium. #Afghanistan pic.twitter.com/wM7qMsVDpR

— Abdulhaq Omeri (@AbdulhaqOmeri) July 29, 2022

উল্লেখ্য, আফগানিস্তানত ক্ৰিকেট এক জনপ্ৰিয় খেল, ইয়াৰ বহু খেলুৱৈয়ে আন্তঃৰাষ্ট্ৰীয় স্বীকৃতি লাভ কৰিছে যদিও তালিবানৰ হাতলৈ শাসন ক্ষমতা অহাৰ পিছত বহুকেইটা মৌলবাদী সংগঠনে মূৰ দাঙি উঠিছে আৰু দেশখনত সন্ত্ৰাসবাদমূলক কাৰ্যকালাপ অব্যাহত ৰাখিছে।