ৱাশ্বিংটনত ট্ৰাম্প ভক্তৰ হিংসাত মৃতকৰ সংখ্যা বাঢ়িল ৪জনলৈ, ট্ৰাম্পৰ দ্ৰুত অপসাৰণ বিচাৰিছে মাৰ্কিন চিনেটে

News18 Assam | News18-Assam
Updated:January 7, 2021, 11:30 AM IST
ৱাশ্বিংটনত ট্ৰাম্প ভক্তৰ হিংসাত মৃতকৰ সংখ্যা বাঢ়িল ৪জনলৈ, ট্ৰাম্পৰ দ্ৰুত অপসাৰণ বিচাৰিছে মাৰ্কিন চিনেটে
জ’ বাইডেনৰ প্রেচিডেন্ট পদৰ অভিষেকৰ পূৰ্বে কঠোৰ সামৰিক পৰ্যৱেক্ষণত থাকিব মাৰ্কিন ৰাজধানী।

জ’ বাইডেনৰ প্রেচিডেন্ট পদৰ অভিষেকৰ পূৰ্বে কঠোৰ সামৰিক পৰ্যৱেক্ষণত থাকিব মাৰ্কিন ৰাজধানী।

  • Share this:
ৱাশ্বিংটনঃ পুৱাই খবৰ আহিছিল যে এজনৰ মৃত্যু হৈছে। ইয়াৰ পিছত খবৰ আহিল যে মাৰ্কিন ৰাজধানীক ট্ৰাম্পপন্থীৰ হিংসাত্মক কাণ্ডৰ কাৰণে চাৰিজনৰ মৃত্যু হৈছে। পৰিস্থিতি বেয়ালৈ ঢাল খোৱা দেখি ৱাশ্বিংটন ডিচিৰ মেয়ৰ মুৰিয়েল বউজাৰে ১৫দিনৰ জৰুৰী অৱস্থা জাৰি কৰিছে। অৰ্থাৎ জ’ বাইডেনৰ প্ৰেচিডেণ্ট পদৰ অভিষেক পৰ্যন্ত কঠোৰ সামৰিক পৰ্যৱেক্ষণৰ অধীনত থাকিব মাৰ্কিন ৰাজধানী। মুৰিয়েলের ভয়, নিৰ্বাচনৰ ফলাফল মানি ল’বলৈ অস্বীকাৰ কৰা ট্ৰাম্পপন্থীয়ে আকৌ আক্ৰমণ চলাব পাৰে।

এইপর্যন্ত মৃতকৰ নাম পৰিচয় সন্মুখলৈ অনা নাই মাৰ্কিন আৰক্ষীয়ে। তথাপি এটা আনভেৰিফাইড ক্লিপত দেখা গৈছে এগৰাকী মহিলা ৰক্তাক্ত হৈ লুটি খাই পৰিছে কেপিটল বিল্ডিঙৰ মাজত। বুধবাৰে লণ্ড–ভণ্ড কৰা হৈছিল মাৰ্কিন হাউচ অৱ ৰিপ্ৰেজেনটেটিভৰ স্পীকাৰ নেন্সি পোলেচিৰ অফিচতো।

এই মুহুর্তত চিনেটৰ প্ৰতিনিধিয়ে কয়, ক্ষমতাৰ শান্তিপূর্ণ ‌হস্তান্তৰৰ কোনো চৰ্তই মানি লোৱা নাই ট্ৰাম্পে। সেইকাৰণে নির্ধাৰিত সময় জানুৱাৰীৰ পূৰ্বেই সংবিধানৰ ২৫ সংখ্যক ধাৰাক সন্মুখত ৰখা হ’ব ট্ৰাম্পৰ। বাইডেনৰ দায়িত্ব লোৱা পৰ্যন্ত কাম চম্ভালিব পাৰে ভাইচ প্ৰেচিডেন্ট মাইক পেন্সে।

ট্ৰাম্পে জনমতক নস্যাৎ কৰাৰ মাজতে উলিওৱা ৰেলীত ৱাশ্বিংটন ডিচি স্থিত কেপিটল হিলত ট্ৰাম্পৰ উগ্ৰ সমৰ্থক হিংসুক হৈ পৰে। সংসদত লণ্ড ভণ্ড কৰি ব্যাপক হিংসা বিয়পায়। এই ভয়াৱহ সমৰ্থকৰ উগ্ৰ ৰূপ দমন কৰিবলৈ যোৱা আৰক্ষীৰ সৈতেও হতাহতি হয়।
First published: January 7, 2021, 11:18 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading