উন্মাদ কৰ্মচাৰীৰ গুলীত নিহত ১২জন সতীৰ্থ

News18-Assam
Updated:June 1, 2019, 9:43 AM IST
উন্মাদ কৰ্মচাৰীৰ গুলীত নিহত ১২জন সতীৰ্থ
ঘটনাটো সংঘটিত হৈছে আমেৰিকাৰ ভাৰ্জিনিয়া বীচ্চৰ এটা কাৰ্যালয়ত।

ঘটনাটো সংঘটিত হৈছে আমেৰিকাৰ ভাৰ্জিনিয়া বীচ্চৰ এটা কাৰ্যালয়ত।

  • Share this:
শুক্ৰবাৰে নিশা আমেৰিকাত সংঘটিত হয় এক গুলীয়াগুলীৰ ঘটনা। আমেৰিকাৰ ভাৰ্জিনিয়া বীচ্চৰ এটা কাৰ্যালয়ত সংঘটিত হয় এই  ঘটনা। গুলীয়াগুলীত ১২জন লোক নিহত হোৱাৰ লগতে আহত হয় ৬জনতকৈও অধিক লোক। ভাৰ্জিনিয়া বীচ্চৰ পাবলিক ইউটিলিটি প্ৰতিষ্ঠান এটাত কৰ্মৰত এজন কৰ্মচাৰীয়ে শুকুৰবাৰে বিয়লি হঠাৎ জধে মধে  প্ৰতিষ্ঠানটোৰ ভিতৰত গুলীচালনা কৰে। এই ঘটনাত উপস্থিত হৈ আৰক্ষীয়ে উন্মাদ কৰ্মচাৰীজনক ক্ষান্ত কৰিবলৈ চেষ্টা কৰিও সফল নহৈ পিছত গুলীয়াবলৈ বাধ্য হয়।  আৰক্ষীয়ে প্ৰকাশ কৰা মতে কিছুদিন ধৰি মানসিকভাবে অসুস্থ হৈ আছিল কৰ্মচাৰীজন।



আৰক্ষীৰ সুত্ৰই প্ৰকাশ কৰা তথ্য অনুসৰি ইতিমধ্যে প্ৰতিষ্ঠানটোত আক্ৰমণ চলোৱা কৰ্মচাৰী জনক হত্যা কৰিছে আৰক্ষীয়ে। ঘটনাটো সংঘটিত হয় শুক্ৰবাৰে বিয়লি ৪ বজাত। গুলীয়াগুলীৰ সময়ত এগৰাকী আৰক্ষী বিষয়াও গুৰুতৰ ভাবে আহত হয়। কি কাৰণে কৰ্মচাৰীজনে এনেধৰণৰ ঘটনা সংঘটিত কৰিলে ,এতিয়াও সেইকথা জানিব পৰা হোৱা নাই। আৰক্ষীয়ে দাবী কৰে যে ঘটনাটোত লোকজনৰ লগত অন্য কোনো লোক জড়িত নাছিল। এতিয়া  সমগ্ৰ এলেকাটোতে আৰক্ষীয়ে গঢ়ি তুলিছে কটকটীয়া নিৰাপত্তা।
First published: June 1, 2019, 9:36 AM IST
আৰু চাওক
পৰৱৰ্তী বাতৰি

শেহতীয়া বাতৰি