• Home
  • »
  • News
  • »
  • uncategorized
  • »
  • Rajya Sabha Polls: ৰাজ্যসভাৰ নিৰ্বাচন! দেওবাৰে দিনজোৰা সভাত ব্যস্ত থাকিব কংগ্ৰেছৰ নেতৃত্ব

Rajya Sabha Polls: ৰাজ্যসভাৰ নিৰ্বাচন! দেওবাৰে দিনজোৰা সভাত ব্যস্ত থাকিব কংগ্ৰেছৰ নেতৃত্ব

পুৱা ৰাজীৱ ভৱনত, সন্ধিয়া বিধানসভাৰ সচিবালয়ত বিৰোধী বিধায়কৰ বৈঠক

পুৱা ৰাজীৱ ভৱনত, সন্ধিয়া বিধানসভাৰ সচিবালয়ত বিৰোধী বিধায়কৰ বৈঠক

পুৱা ৰাজীৱ ভৱনত, সন্ধিয়া বিধানসভাৰ সচিবালয়ত বিৰোধী বিধায়কৰ বৈঠক

  • Share this:
ৰাজ্যসভাৰ দ্বিতীয়খন আসনত নিজৰ প্ৰক্ষেপিত প্ৰাৰ্থী ৰিপুণ বৰা জয়ী হ'বনে নহয়; সন্দিহান বিৰোধী পক্ষ ৷ কংগ্ৰেছ আৰু AIUDFৰ মাজত বিশ্বাস-অবিশ্বাসৰ ৰাজনীতি অব্যাহত আছে ৷ কোনে কাক লেং মাৰিব- ঠিক নাই ৷ AIUDF প্ৰধান বদৰুদ্দিন আজমলে শুকুৰবাৰে কংগ্ৰেছৰ ৪-৫ বিধায়কৰ ওপৰত সন্দেহ প্ৰকাশ কৰে ৷ মুখ্যমন্ত্ৰী ড° হিমন্ত বিশ্ব শৰ্মাৰ বাসগৃহত মাজনিশা বাৰ বজাৰ পিছত যোৱা কংগ্ৰেছী বিধায়কসকলক বিশ্বাস কৰিব নোৱাৰি বুলি ৰাজহুৱাকৈ সদৰী কৰে আজমলে ৷

এনে বিশ্বাস-অবিশ্বাসৰ ৰাজনীতিৰ মাজতে দেওবাৰে তিনিখনকৈ গুৰুত্বপূৰ্ণ বৈঠকৰ আয়োজন কৰিছে প্ৰদেশ কংগ্ৰেছে ৷ দিনৰ ১১ বজাত প্ৰথমখন বৈঠক আয়োজন কৰিছে ৰাজীৱ ভৱনত ৷ প্ৰদেশ কংগ্ৰেছৰ সকলো জ্যেষ্ঠ নেতৃত্ব এই বৈঠকত উপস্থিত থাকিব ৷ AICCৰ সাধাৰণ সম্পাদক তথা অসমৰ দায়িত্ববাহী জিতেন্দ্ৰ সিং এই বৈঠকত উপস্থিত থাকিব ৷ প্ৰদেশ কংগ্ৰেছৰ সভাপতি হিচাপে ভূপেন বৰাই কাৰ্যভাৰ গ্ৰহণ কৰাৰ পিছত কাইলৈ আয়োজন কৰা কাৰ্যনিৰ্বাহকখনেই হ'ব প্ৰথমখন কাৰ্যনিৰ্বাহক সভা ৷ যিখন বৈঠকত উপস্থিত থাকিব অসমৰ দায়িত্ববাহী জিতেন্দ্ৰ সিং (Rajya Sabha Polls) ৷

দ্বিতীয়খন বৈঠক আয়োজন কৰা হৈছে অসম বিধানসভাৰ সচিবালয়ত ৷ সন্ধিয়া ৬ বজাত আয়োজন কৰা বৈঠকত উপস্থিত থাকিব কংগ্ৰেছৰ সকলো বিধায়ক ৷ উপস্থিত থাকিব জিতেন্দ্ৰ সিং, প্ৰদেশ কংগ্ৰেছৰ সভাপতি ভূপেন বৰা আৰু ৰাজ্যসভাৰ প্ৰাৰ্থী ৰিপুণ বৰা ৷

তৃতীয়খন বৈঠকো আয়োজন কৰিছে বিধানসভাৰ সচিবালয়তে ৷ সন্ধিয়া ৭.৩০ বজাত আয়োজন কৰা বৈঠকত কংগ্ৰেছৰ বিধায়কসকলৰ লগতে AIUDFৰ বিধায়কসকল, CPI-Mৰ একমাত্ৰ বিধায়ক মনোৰঞ্জন তালুকদাৰ আৰু নিৰ্দলীয় বিধায়ক অখিল গগৈ উপস্থিত থকাৰ কথা ৷ বৈঠকত কংগ্ৰেছৰ পৰা নিলম্বিত হৈ থকা বিধায়ক শ্বেৰমান আলী আহমেদ উপস্থিত থকাৰ কথা ৷ কিন্তু নিলম্বিত বিধায়ক শশীকান্ত দাস উপস্থিত থাকিব নে নাই এতিয়াও স্পষ্ট নহয় ৷

ইপিনে শাসকীয় মিত্ৰজোঁটৰ প্ৰাৰ্থী BJPৰ পৱিত্ৰ মাৰ্ঘেৰিটা আৰু UPPLৰ ৰণগৌৰা নাৰ্জাৰীক জয়ী কৰিবলৈ বদ্ধপৰিকৰ মুখ্যমন্ত্ৰী ড° হিমন্ত বিশ্ব শৰ্মা ৷ মুখ্যমন্ত্ৰীৰ এই ৰণনীতিৰ সন্মুখত বিৰোধী পক্ষই নিজৰ প্ৰাৰ্থীজনক জয়ী কৰাবলৈ সক্ষম হ'বনে নাই, সেয়া ৩১ মাৰ্চৰ সন্ধিয়াৰ ভোটগণনালৈ আপেক্ষা কৰিব লাগিব।
Published by:Gautam Barman
First published:

শেহতীয়া বাতৰি