Assam Budget 2021-22: কাইলৈ বাজেট দাখিল কৰিব বিত্তমন্ত্ৰী অজন্তা নেওগে, ঋণগ্ৰস্ত মহিলাই পাব পাৰে সকাহ
কাইলৈ বিয়লি ৩ বজাত বাজেট দাখিল কৰিব বিত্তমন্ত্ৰীগৰাকীয়ে।
কাইলৈ বিয়লি ৩ বজাত বাজেট দাখিল কৰিব বিত্তমন্ত্ৰীগৰাকীয়ে।
- News18 Assam
- Last Updated: July 15, 2021, 11:43 PM IST
- Share this:
অসম বিধানসভাত কাইলৈ হিমন্ত বিশ্ব শৰ্মা চৰকাৰৰ প্ৰথমখন বাজেট দাখিল কৰিব বিত্তমন্ত্ৰী অজন্তা নেওগে। কাইলৈ বিয়লি ৩ বজাত বাজেট দাখিল কৰিব বিত্তমন্ত্ৰীগৰাকীয়ে। এই বাজেটত ৰাজ্যৰ প্ৰায় ১২ লাখ মহিলাৰ মাইক্ৰ'ফাইনেন্সৰ ঋণৰ ক্ষেত্ৰত কিছু সকাহ দিয়াৰ সম্ভাৱনা আছে। জানিব পৰা মতে, বাজেটত ঋণগ্ৰস্ত একাংশ সাধাৰণ মহিলাৰ বাবে ২৫,০০০ টকাকৈ সাহায্য প্ৰদানৰ কথা ঘোষণা কৰা হ'ব পাৰে।
আনহাতে বাজেটক লৈ আশাবাদী ৰাজ্যৰ শাসক–বিৰোধীৰ লগতে অসমৰ ৰাইজ। মন্ত্ৰী পীয়ূষ হাজৰিকাই এয়া এক ব্যতিক্ৰমী বাজেট হোৱাৰ আশা কৰাৰ দৰে বিৰোধী দলপতি দেৱব্ৰত শইকীয়াই আশা কৰিছে এই বাজেট জনমুখী হ'ব।
অৱশ্যে এই সন্দৰ্ভত কাইলৈ বাজেট দাখিলৰ পিছতহে জানিব পৰা যাব। উল্লেখ্য, অসম বিধান সভাত এইবাৰ প্ৰথমবাৰৰ বাবে কোনো মহিলা বিত্তমন্ত্ৰীয়ে বাজেট দাখিল কৰিব।
