বদৰুদ্দিন আজমল আৰু মুখ্যমন্ত্ৰী দুয়োজনেই বেপাৰীঃ কমলাক্ষ দে' পুৰকায়স্থ
সম্পৰ্কীয় বাতৰি
দুদিনমান শাম কাটিছিল যদিও আকৌ আৰম্ভ হ'ল কংগ্ৰেছ আৰু AIUDFৰ মাজৰ বাকযুদ্ধ ৷ এইবাৰ কংগ্ৰেছে AIUDFক বেপাৰী দল বুলি কোৱাৰ লগে লগে AIUDFয়ে আৰম্ভ কৰিলে কংগ্ৰেছৰ ইতিহাস খুঁচৰিবলৈ ৷ ক'লে- কংগ্ৰেছে বেপাৰ কৰি নিজ দলৰ বিধায়কক বিক্ৰী কৰে BJPৰ হাতত ৷
কাজিয়া মানে অন্ত নহ'ব কংগ্ৰেছ আৰু AIUDFৰ মাজত ৷ মাজতে দুদিনমানৰ বাবে থমকি ৰৈছিল ৷ পিছে দেওবাৰে পুনৰ আৰম্ভ কৰি দিলে কংগ্ৰেছে ৷ দিছপুৰৰ বিধায়ক আৱাসত সাংবাদিকৰে হোৱা এক বাৰ্তালাপত কংগ্ৰেছৰ কাৰ্যকৰী সভাপতি তথা বিধায়ক কমলাক্ষ দে' পুৰকায়স্থই ক'লে- “AIUDF দলটো বন্ধ হ'ব লাগে ৷ বহু সহায় কৰিছে BJPক ৷ AIUDFৰ মুৰব্বী বদৰুদ্দিন আজমল আৰু মুখ্যমন্ত্ৰী দুয়োজনেই বেপাৰী ৷ আমি সেয়ে বেপাৰী দলৰ লগত নাই ৷”
কমলাক্ষ দে' পুৰকায়স্থৰ এই দাবীক নসাৎ কৰিলে AIUDFৰ জ্যেষ্ঠ বিধায়ক ড° হাফিজ ৰফিকুল ইছলামে ৷ ৰফিকুলে ক'লে— “বেপাৰী আমি নহয় ৷ ৰাজনীতিত বেপাৰীৰ দল কংগ্ৰেছহে ৷ আজমলে ৫০খন দেশত ব্যৱসায় কৰে, কিন্তু ৰাজনীতিত বেপাৰ নকৰে ৷”
কংগ্ৰেছক আক্ৰমণ কৰি ৰফিকুল ইছলামে পুনৰ ক'লে— “কংগ্ৰেছে ইজনৰ পিছত সিজন বিধায়কক বেপাৰ কৰি BJPৰ হাতত বিক্ৰী কৰে ৷ কংগ্ৰেছৰ আচল চৰিত্ৰ ৰাইজে জানে ৷”
এয়াই কংগ্ৰেছ-AIUDFৰ বেপাৰৰ ৰাজনীতি৷ কথাৰ ৰাজনীতি ৷
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
