Facebook: এই মাহতে ফেচবুকে বন্ধ কৰিব দুটা জৰুৰী সেৱা, নকৰে লোকেচন ডাটা সংগ্ৰহ, জানি লওক সবিশেষ

ফেচবুকে (Facebook) আপোনাক নানাটা সেৱা প্ৰদান কৰিবলৈ আপোনাৰ অৱস্থিতিৰ প্ৰৱেশাধিকাৰ বা লোকেচন (location access)ৰ ওপৰত নিৰ্ভৰ কৰে আৰু এই মাহৰ শেষৰ ফালৰ পৰা ফেচবুকে লোকেচন দৰকাৰ হোৱা দুটা সেৱাৰ বন্ধ কৰাৰ পৰিকল্পনা কৰিছে। ছ'চিয়েল নেটৱৰ্কিং ছাইটটোৱে কৈছে যে ৩১ মে, ২০২২ৰ পিছত বিশ্বজুৰি ইয়াৰ কোটি কোটি ব্যৱহাৰকাৰীৰ বাবে ফেচবুকত নিকট বন্ধু (Nearby Friends) আৰু বতৰ আগজাননী (Weather Alerts) উপলব্ধ নহ'ব।

এই দুটা বিশেষত্ব বহু বছৰ ধৰি চলি আহিছে, কিন্তু মেতা (Meta)ই ইয়াৰ নীতি সলনি কৰাৰ লগে লগে এনে লাগিছে যে এই দুয়োটা সেৱা নতুন নীতিৰ চিকাৰ হৈছে। ওচৰৰ বন্ধু সুবিধাটোৱে ব্যৱহাৰকাৰীসকলক তেওঁলোকৰ অৱস্থানৰ ওচৰৰ সম্পৰ্কবোৰ চিনাক্ত কৰিবলৈ সক্ষম কৰিছিল, যাৰ বাবে ফেচবুকে আপোনাৰ লোকেচন প্ৰাপ্ত কৰিবলৈ আৰু ইয়াক আন লোকক ট্ৰেক কৰিবলৈ ব্যৱহাৰ কৰিবলৈ সক্ষম হৈছিল।

আনহাতে বতৰৰ সতৰ্কতা অধিক স্পষ্ট ৰূপত দিবলৈ দৰকাৰ আছিল সঠিক অৱস্থান প্ৰৱেশাধিকাৰ। ইয়াৰ অবিহনে আপোনাক অঞ্চলটোত সঠিক তাপমাত্ৰা বা বতৰৰ বতৰা দিয়াটো সম্ভৱ নহয়। ফেচবুকে আপোনাৰ অৱস্থান জানিবলৈ এই সঁজুলিটো ব্যৱহাৰ কৰিছিল।

কিন্তু কেৱল এই সুবিধা দুটাৰ বাবে লোকেচন ডাটা (location data) লোৱাটো বন্ধ কৰাৰ অৰ্থ এইটো নহয় যে ফেচবুকে লোকেচন ডাটা সংগ্ৰহ কৰাটো সম্পূৰ্ণৰূপে বন্ধ কৰিব। প্লেটফৰ্মটোৱে আপোনাৰ লোকেচন ডাটা সংগ্ৰহ কৰি থাকিব যাক স্পষ্টভাৱে অন্যান্য সুবিধাৰ বাবে ব্যৱহাৰ কৰা হয়।