১৫ জুলাইত উত্‍‍ক্ষেপণ কৰা হ’ব চন্দ্ৰযান-২

১৫ জুলাইত উত্‍‍ক্ষেপণ কৰা হ’ব চন্দ্ৰযান-২।‘বাহুবলী’ক কক্ষপথত উত্‍‍ক্ষেপণৰ বাবে এতিয়া চলোৱা হৈছে অন্তিম প্ৰস্তুতি। সেইদৰে শনিবাৰে অভিযানৰ অন্তিম নিৰীক্ষণ কৰিব ISRO-এ। অহা ১৫ জুলাই অৰ্থাৎসোমবাৰে পুৱা সতীশ ধৱন মহাকাশ কেন্দ্ৰৰ পৰা ২.৫১ বজাত উত্‍‍ক্ষেপণ কৰা হ’ব চন্দ্ৰযান-২।

শ্ৰীহৰিকোটাত ৰাষ্ট্ৰপতিও উপস্থিত থকাৰ সম্ভাৱনা আছে। ২.৪ টন ওজনৰ GSLV Mk III ৰকেটে কঢ়িয়াই নিব চন্দ্ৰযান–২ক। লগতে ২৭ কেজি ওজনৰ প্ৰজ্ঞান নামৰ এটা ৰভাৰ থাকিব। তাৰ সমান্তৰাল ভাবে চন্দ্ৰযান-২ত থাকিব লুনাৰ অৰবিটাৰ, লেণ্ডাৰ আৰু
কেমেৰা, চিস্ম’মিটাৰ, থাৰ্মেল ইনষ্ট্ৰুমেণ্টো থাকিব।

নাছাৰ লেজাৰ ৰেট্ৰ’ফ্লেক্টৰো থাকিব চন্দ্ৰযান-২ত।৬-৭ ছেপ্টেম্বৰত চন্দ্ৰৰ কক্ষপথত অৱতৰণৰ সম্ভাৱনা আছে। ৬০৩ কোটি টকা ব্যয় কৰা এই অভিযানে চন্দ্ৰত পানীৰ অৱস্থিতি সন্দৰ্ভত অভিযান চলাব। ইয়াৰ আগতে ২০০৮ৰ ২২ অক্টোবৰত উত্‍‍ক্ষেপণ কৰা হৈছিল চন্দ্ৰযান। ২০১৩ৰ ৫ নৱেম্বৰত মঙল অভিযানৰ শুভাৰম্ভ হৈছিল। ২০২২ত চন্দ্ৰলৈ মাৱনযান প্ৰেৰণৰ লক্ষ্য ভাৰতৰ। সফলভাৱে উত্‍‍ক্ষেপণ হ’লে ভাৰতে অৰ্জন কৰিব কৃতিত্ব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।