Nita Ambani: উৰিষ্যাত অলিম্পিক মূল্য শিক্ষা কাৰ্যসূচীৰ শুভাৰম্ভ, ভাৰতত অলিম্পিক আন্দোলন অধিক শক্তিশালী কৰাৰ পোষকতা নীতা আম্বানিৰ

ভাৰতৰ প্ৰথম অলিম্পিক মূল্যবোধ শিক্ষা কাৰ্যসূচী (OVEP) উৰিষ্যাত শুভাৰম্ভ কৰা হৈছে।  আন্তৰ্জাতিক অলিম্পিক সমিতিৰ (আইঅচি) অধীনৰ এই কাৰ্যসূচীৰ প্ৰশংসা কৰি ৰিলায়েন্স ফাউণ্ডেশ্যনৰ (Reliance Foundation) অধ্যক্ষা আৰু আন্তঃৰাষ্ট্ৰীয় অলিম্পিক সমিতিৰ সদস্য নীতা আম্বানিয়ে কয় যে শিক্ষা আৰু ক্ৰীড়াৰ সংমিশ্ৰিত এই প্ৰকল্প ভাৰতৰ বাবে এক সম্পদ। প্ৰকল্পটোৰ উদ্দেশ্য হৈছে বন্ধুত্ব, উৎকৰ্ষতা আৰু সন্মানৰ অলিম্পিক আদৰ্শৰ দ্বাৰা দেশৰ যুৱসকলক প্ৰতিপালন কৰা। এই মূল্য-আধাৰিত পাঠ্যক্ৰমৰ উদ্দেশ্য হৈছে শিশুসকলক স্বাস্থ্যৱান আৰু দায়িত্বশীল নাগৰিক হোৱাৰ বাবে সাজু কৰা (India’s first Olympic Values Education Programme launched in Odisha)।

উল্লেখ্য এই বছৰৰ আৰম্ভণিতে নীতা আম্বানিয়ে ২০২৩ চনত আন্তৰ্জাতিক অলিম্পিক সমিতিৰ অধিৱেশন আয়োজনৰ বাবে ভাৰতক নিৰ্বাচিত কৰাৰ ক্ষেত্ৰত এটা প্ৰতিনিধিৰ নেতৃত্ব দিছিল, আৰু তেওঁৰ প্ৰচেষ্টাত ৪০ বছৰৰ ব্যৱধানৰ পিছত ভাৰতক সৰ্বসন্মতিক্ৰমে অধিৱেশন আয়োজনৰ অধিকাৰ প্ৰদান কৰা হৈছিল।

অলিম্পিক সমিতিৰ অধিৱেশন ভাৰতত অনুষ্ঠিত হ'লে ই ভাৰতীয় ক্ৰীড়া ইতিহাসত এক নতুন যুগ চিহ্নিত কৰিব। দেশৰ ক্ৰীড়া জগতখনৰ উন্নতিৰ লগতে ভাৰতীয়ৰ মনত অলিম্পিক আকাংক্ষাক উৎসাহিত কৰিব আৰু যুৱসকলক তেওঁলোকৰ দক্ষতা উন্নত কৰিবলৈ আৰু বিশ্ব স্তৰত সন্মান আনিবলৈ উৎসাহিত আৰু শক্তিশালী কৰিব।

আন্তৰ্জাতিক অলিম্পিক সমিতিৰ সদস্য নীতা আম্বানিয়ে কয়, "ভাৰত হৈছে এক বৃহৎ সুযোগ আৰু অসীম সম্ভাৱনাৰ দেশ। আমাৰ বিদ্যালয়সমূহত ২৫ কোটিতকৈও অধিক শিশু আছে যাৰ প্ৰতিভা আৰু সম্ভাৱনা আছে। তেওঁলোক কাইলৈৰ চেম্পিয়ন, আমাৰ দেশৰ ভৱিষ্যত। পৃথিৱীৰ খুব কম শিশু অলিম্পিয়ান হ'ব পাৰে, কিন্তু প্ৰতিটো শিশুৱে অলিম্পিকৰ আদৰ্শ স্পৰ্শ কৰিব পাৰে। এইটো অলিম্পিক মূল্যবোধ শিক্ষা কাৰ্যসূচী (OVEP)ৰ লক্ষ্য আৰু সেইটোৱেই ইয়াক ভাৰতৰ বাবে এটা ডাঙৰ সুযোগ কৰি তুলিছে। যেতিয়া আমি অহা বছৰ মুম্বাইত আইঅ'চি অধিৱেশন ২০২৩ আয়োজনৰ বাবে প্ৰস্তুতি চলাই আছোঁ, মই মোৰ দেশত অলিম্পিক আন্দোলন অধিক শক্তিশালী কৰাৰ বাবে আশাবাদী।''

OVEP আনুষ্ঠানিকভাৱে উৰিষ্যাৰ মুখ্যমন্ত্ৰী নবীন পাটনায়ক, আইঅ'চি সদস্য নীতা আম্বানি, আইঅ'চি শিক্ষা আয়োগৰ অধ্যক্ষ মিকেলা কোজুয়াংকো জাওৰ্স্কি, অলিম্পিয়ান আৰু আইঅ'চি এথলীট আয়োগৰ সদস্য অভিনৱ বিন্দ্ৰা আৰু ভাৰতীয় অলিম্পিক সংস্থাৰ সভাপতিৰ দ্বাৰা মুকলি কৰা হয়। ওভিইপি উৰিষ্যাৰ বিদ্যালয়ৰ শিক্ষা ব্যৱস্থাত সংলগ্ন কৰা হ'ব। এই কাৰ্যসূচী উৰিষ্যা চৰকাৰৰ বিদ্যালয় আৰু গণ শিক্ষা বিভাগ আৰু অভিনৱ বিন্দ্ৰা ফাউণ্ডেচন ট্ৰাষ্টৰ অংশীদাৰিত্বত বিকশিত কৰা হৈছে।

নীতা আম্বানিয়ে (Nita Ambani l)  ভাৰতৰ অলিম্পিকৰ সপোন আৰু তৃণমূল পৰ্যায়ত উন্নয়নৰ প্ৰতি নিৰন্তৰ সমৰ্থন আগবঢ়োৱা বাবে উৰিষ্যা চৰকাৰক ধন্যবাদ জ্ঞাপন কৰে। তেওঁ কয় "শ্ৰী পাটনায়কজীৰ দূৰদৰ্শী নেতৃত্বত বৰ্ধিত বিনিয়োগ আৰু সমৰ্পিত প্ৰচেষ্টাৰ জৰিয়তে উৰিষ্যা ভাৰতৰ ক্ৰীড়া উচ্চাকাংক্ষাৰ কেন্দ্ৰবিন্দু হৈ পৰিছে। ৰাজ্যখনে সক্ৰিয়ভাৱে ক্ৰীড়াৰ বাবে এক সামগ্ৰিক পৰিস্থিতিতন্ত্ৰ সৃষ্টি কৰি আছে, আমাৰ যুৱ খেলুৱৈসকলক উচ্চ মানৰ প্ৰশিক্ষণ আৰু আন্তঃগাঁথনি প্ৰদান কৰিছে।"

বিশেষকৈ, ৰিলায়েন্স ফাউণ্ডেচনে ক্ৰীড়াৰ বিকাশৰ বাবে উৰিষ্যা চৰকাৰৰ সৈতে কাম কৰি আছে। Odisha Reliance  Foundation Athletics High-Performance Center (HPC)ৰ জৰিয়তে ইতিমধ্যে নতুন প্ৰতিভাৰ বিকাশ ঘটাইছে। জ্যোতি য়াৰাজী আৰু অম্লান বৰগোহাঁয়ে (Jyothi Yarraji and Amlan Borgohain) ৰিলায়েন্স ফাউণ্ডেচনৰ দুজন খেলুৱৈ ৰূপে ৰাষ্ট্ৰীয় অভিলেখ ভংগ কৰি যোৱা এমাহত আন্তঃৰাষ্ট্ৰীয় এথলেটিক ইভেণ্টত পদক অৰ্জন কৰিছে। অভূতপূৰ্ব দৌৰত থকা জ্যোতিয়ে প্ৰথমতে ১৯ বছৰ পুৰণি ৰাষ্ট্ৰীয় অভিলেখ ভংগ কৰে আৰু তাৰ পিছত পৰৱৰ্তী অনুষ্ঠানত নিজৰ অভিলেখ উন্নত কৰে।

‘Olympic Values Education Programmeৰ দ্বাৰা গতিহীন জীৱনশৈলী, মনোযোগৰ অভাৱ আৰু বিদ্যালয় এৰি যোৱাৰ কিশোৰ-কিশোৰীসকলৰ বিশ্বব্যাপী প্ৰত্যাহ্বানবোৰ সমাধান কৰাত সহায় কৰে। ইয়াৰ প্ৰথম বছৰত, এই কাৰ্যসূচীৰ লক্ষ্য হৈছে ভুৱনেশ্বৰ আৰু ৰাউৰকেলা চহৰৰ ৯০খন বিদ্যালয়ত নামভৰ্তি কৰা ৩২,০০০ শিশুক প্ৰভাৱিত কৰা আৰু এবাৰ পূৰ্ণ গতিত ই প্ৰায় ৭০ লাখ শিশুৰ ওচৰলৈ যাব। উৰিষ্যা ৰাজ্যই পৰ্যায়ক্ৰমে ইয়াৰ সকলো বিদ্যালয় আৰু উচ্চ শিক্ষা প্ৰতিষ্ঠানলৈ ওভিইপি লৈ যাব বিচাৰে, যাৰ ফলত ইয়াৰ যুৱ প্ৰজন্মই সঁচাকৈয়ে অলিম্পিকৰ মূল্যবোধ গ্ৰহণ কৰিব পাৰে।